Ulytaý oblysynda aýtizmi bar balanyń anasy óńirdegi reabilitatsiialyq ortalyqqa kire almai, sharasyz kúige tústi. Onyń aitýynsha, barlyq qajet qujattary daiyn bolsa da, meditsinalyq mekeme balasyn qabyldaýdan bas tartqan, dep habarlaidy Dalanews.kz.
Egovpress telegram arnasy jariialaǵan videoda óńir turǵyny janaiqaiyn jetkizgen.
Anasynyń sózinshe, ol balasyn ortalyqqa joldama men kvota negizinde aparǵan. Alaida ortalyq basshylyǵy túrli sebepti alǵa tartyp, qyzmet kórsetýden bas tartqan.
“Joldamamyz da, kvotamyz da bar. Soǵan qaramastan, balamdy qabyldamai qoidy. Mundai balalarmen jumys istemeimiz degendi ashyq aitty”, – deidi ol kóz jasyna erik berip.
Onyń aitýynsha, byltyr balasyn dál osy ortalyqqa ornalastyrý úshin qosymsha qarjy berýge májbúr bolǵan.
“Byltyr tek aqsha bergennen keiin ǵana qabyldady. Biyl osyndai jaǵdaiǵa tap bolyp otyrmyz”, - dedi ol.
Qazirgi ýaqytta atalǵan jaǵdai boiynsha QR Densaýlyq saqtaý ministrligi men Ulytaý oblysynyń densaýlyq saqtaý basqarmasyna resmi saýal joldadyq. Redaktsiia máseleniń mán-jaiyn anyqtap, ýákiletti organdardyń resmi jaýabyn jariialaidy.
