UFC faiteri Shavkat Rahmonovtyń jubaiy Gúlaiym Rahmonova jol apatyna qatysty is boiynsha qorǵaý quqyǵy bar kýáger retinde tanylǵan, dep habarlaidy Dalanews.kz.
Bul týraly Jambyl oblystyq Politsiia departamenti málimdegen. Jol apaty Moiynqum aýdanyndaǵy tasjolda boldy.
"Jol apatyna bailanysty tergeý aiasynda bolǵan oqiǵanyń shynaiy kórinisin anyqtaýǵa baǵyttalǵan barlyq qajet protsessýaldyq shara júrgizilip jatyr. Qajet saraptamalar taǵaiyndaldy. Qazir bul azamat qorǵaý quqyǵy bar kýáger retinde kýálik etti. Ol qazir Almaty qalasyndaǵy aýrýhanada. Tergeý nátijelerine bailanysty oǵan qatysty qoldanystaǵy zańnama aiasynda protsessýaldyq sheshim qabyldanady", – dedi politsiia.
Osy arada áleýmettik jelilerde Rahmonovtar otbasyn qoldaý maqsatynda arnaiy naýqan bastalyp ketken. Jeli qoldanýshylarynyń aitýynsha, áiel adamdy jaýapkershilikke tartý – Shavkat Rahmonovtyń sporttyq mansabyna balta shabýy múmkin.
Eske salaiyq, 27 shildede saǵat 08:50 shamasynda respýblikalyq mańyzy bar Almaty-Ekaterinbýrg tasjolynyń 299-shaqyrymynda Toyota Land Cruiser 200 markaly kóliginiń júrgizýshisi Qaraǵandy oblysynan Almaty qalasyna qarai kele jatyp, tizginge ie bola almai, jol apatyna ushyraǵan bolatyn.
Jol apaty saldarynan eki adam qaza taýyp, eki adam aýrýhanaǵa jetkizildi.
"Bul derekke qatysty sotaldy tergeý bastaldy. Kólik arnaiy turaqqa qoiyldy", - dep jazylǵan buǵan deiingi politsiia habarlamasynda.
