UFC فايتەرٸ شاۆكات راحمونوۆتىڭ جۇبايى گٷلايىم راحمونوۆا جول اپاتىنا قاتىستى ٸس بويىنشا قورعاۋ قۇقىعى بار كۋەگەر رەتٸندە تانىلعان, دەپ حابارلايدى Dalanews.kz.
بۇل تۋرالى جامبىل وبلىستىق پوليتسييا دەپارتامەنتٸ مەلٸمدەگەن. جول اپاتى مويىنقۇم اۋدانىنداعى تاسجولدا بولدى.
"جول اپاتىنا بايلانىستى تەرگەۋ اياسىندا بولعان وقيعانىڭ شىنايى كٶرٸنٸسٸن انىقتاۋعا باعىتتالعان بارلىق قاجەت پروتسەسسۋالدىق شارا جٷرگٸزٸلٸپ جاتىر. قاجەت ساراپتامالار تاعايىندالدى. قازٸر بۇل ازامات قورعاۋ قۇقىعى بار كۋەگەر رەتٸندە كۋەلٸك ەتتٸ. ول قازٸر الماتى قالاسىنداعى اۋرۋحانادا. تەرگەۋ نەتيجەلەرٸنە بايلانىستى وعان قاتىستى قولدانىستاعى زاڭناما اياسىندا پروتسەسسۋالدىق شەشٸم قابىلدانادى", – دەدٸ پوليتسييا.
وسى ارادا ەلەۋمەتتٸك جەلٸلەردە راحمونوۆتار وتباسىن قولداۋ ماقساتىندا ارنايى ناۋقان باستالىپ كەتكەن. جەلٸ قولدانۋشىلارىنىڭ ايتۋىنشا, ەيەل ادامدى جاۋاپكەرشٸلٸككە تارتۋ – شاۆكات راحمونوۆتىڭ سپورتتىق مانسابىنا بالتا شابۋى مٷمكٸن.
ەسكە سالايىق, 27 شٸلدەدە ساعات 08:50 شاماسىندا رەسپۋبليكالىق ماڭىزى بار الماتى-ەكاتەرينبۋرگ تاسجولىنىڭ 299-شاقىرىمىندا Toyota Land Cruiser 200 ماركالى كٶلٸگٸنٸڭ جٷرگٸزۋشٸسٸ قاراعاندى وبلىسىنان الماتى قالاسىنا قاراي كەلە جاتىپ, تٸزگٸنگە يە بولا الماي, جول اپاتىنا ۇشىراعان بولاتىن.
جول اپاتى سالدارىنان ەكٸ ادام قازا تاۋىپ, ەكٸ ادام اۋرۋحاناعا جەتكٸزٸلدٸ.
"بۇل دەرەككە قاتىستى سوتالدى تەرگەۋ باستالدى. كٶلٸك ارنايى تۇراققا قويىلدى", - دەپ جازىلعان بۇعان دەيٸنگٸ پوليتسييا حابارلاماسىندا.
