"Alqa osy materialdy qaraý barysynda buryn jubaiyn birneshe ret uryp-soǵý deregi bolýyna bailanysty birinshi satydaǵy sottyń qaýlysymen kelispedi. Almaty qalalyq soty alqasynyń qaýlysymen Almaty Ákimshilik quqyqbuzýshylyq jónindegi mamandandyrylǵan aýdanaralyq sotynyń qaýlysy ózgerdi", - dep jazylǵan sot habarlamasynda.
Osylaisha, Turlyhanovqa taǵaiyndalǵan jazalaý sharasy eskertýden 10 táýlik merzimge ákimshilik qamaqqa alý jazasyna ózgerdi. Qaýly zańdy kúshine endi.
Aita keteiik, buǵan deiin ánshi Rahat Turlyhanovqa qatysty is sotta qaralyp jatqany belgili boldy. Artynsha ánshi kinásin moiyndap, ákimshilik eskertý túrinde ákimshilik jazaǵa tartylǵan bolatyn.
Keiin Rahat Turlyhanov pen jubaiy Altynai keiingi jaǵdaiǵa qatysty pikir bildirdi.
"Bárińizge sálem. Bul - Rahat Turlyhanov jáne jubaiym - Altynai. Keiingi jańalyqtarǵa bailanysty pikir bildirýdi uiǵardyq. Altynai bárin ózi aitsa, durys shyǵar", - deidi videoda ánshi. "Rahatpen aramyzda bári jaqsy. Rahat - qamqor, meiirimdi kúieý, áke. Iá, barlyq otbasynda bolatyny sekildi bizdiń de aramyzda urys, túsinispeýshilikter boldy. Biraq barlyq jaǵdaidy bilmese de ony jaman jaǵynan kórsetip jatyr. Bárińiz alańdap jatsyzdar, alańdaityndai eshteńe joq. Bizdi bári jaqsy", - deidi ánshiniń jubaiy videoda.
