Jýrnalist Rýslan Ótepbai jylqyshy Rahat Sársenovtiń burynǵy jumys berýshisi Tájiǵali Eleýovpen kezdesip, qoǵamda talqylanyp jatqan máselelerge qatysty suhbat alǵanyn habarlady, dep habarlaidy dalanews.kz.
Jýrnalistiń aitýynsha, áńgime barysynda Rahat Sársenovtiń uzaq jyldyq eńbek joly, jumys berýshimen qarym-qatynasy jáne keiingi ýaqytta el nazaryn aýdarǵan oqiǵalar talqylanǵan.
Suhbat sońynda Rýslan Ótepbai kásipkerge qazaqstandyqtardyń qoldaýynyń arqasynda Rahat Sársenovtiń otbasy baspanaly bolǵanyn aitqan.
Alaida Tájiǵali Eleýov buǵan kútpegen jaýap qaitarǵan.
"Rahat Sársenovtiń otbasy baspanaly boldy degenimde, ol: "Bul meniń aqshama alynǵan úi", – dep jaýap berdi", – dedi jýrnalist.
Kásipkerdiń bul málimdemesi áleýmettik jeli qoldanýshylarynyń nazaryn aýdardy. Kópshilik onyń sóziniń mánin talqylap, baspananyń qandai qarajatqa alynǵany týraly tolyq aqparatty bilgisi keletinin jazdy.
Rýslan Ótepbai suhbattyń tolyq nusqasynda Rahat Sársenov pen onyń burynǵy jumys berýshisi arasyndaǵy eńbek jáne qarjylyq qatynastarǵa qatysty ózge de máseleler kóteriletinin jetkizdi.
