Qyrym kópirinde kólik qozǵalysy ýaqytsha toqtatyldy, dep habarlaidy dalanews.kz.
Bul týraly kópirge aparatyn joldardaǵy jaǵdai jóninde aqparat taratatyn ortalyq málimdedi.
Málimette Qyrym kópirindegi kólik qozǵalysy ýaqytsha shektelgeni aitylǵan. Kópir aýmaǵynda jáne tekseris aimaǵynda júrgen júrgizýshiler men jolaýshylarǵa sabyr saqtap, kólik qaýipsizdigi qyzmetkerleriniń nusqaýyn oryndaý usynylǵan.
Aita keteiik, jeksenbide de Qyrym kópiri arqyly kólik qozǵalysy toǵyz saǵattan asa ýaqytqa toqtatylǵan bolatyn.
Al Qyrym men Sevastopolge jolaýshylar tasymaldaityn temirjol operatory "Grand Servis Ekspress" kompaniiasynyń málimetinshe, sol kezde Qyrym baǵyty boiynsha qatynaityn 11 poiyzdyń qozǵalysy keshikken.
Qyrym kópiri - Reseidegi eń uzyn kópir, onyń uzyndyǵy 19 shaqyrymǵa jetedi. Kólik ótetin bóligi 2018 jyly mamyrda paidalanýǵa berilgen. 2019 jyly jeltoqsanda temirjol ýchaskesiniń boiymen alǵashqy poiyzdar legi ótken edi.
