Qyrǵyzstanda «Arashan» qoi tuqymyna arnalǵan festivalde bir qoshqar rekordtyq baǵaǵa – 1 million dollarǵa satyldy, dep habarlaidy dalanews.kz.
Qyrǵyzstan Aýyl sharýashylyǵy ministrliginiń málimetinshe, satyp alýshy bul somany asyl tuqymdy qoshqar úshin tólegen. Ol – áigili Frankel esimdi qoshqardyń tóli.
Aita keteiik, Frankeldiń ózi 2023 jyly Qazaqstanǵa 150 myń dollarǵa satylǵan bolatyn.
Vedomstvo ókilderiniń aitýynsha, «Arashan» qoi tuqymy Qyrǵyzstanda 2021 jyly resmi túrde tirkelgen. Bul tuqym gissar qoiy men qyrǵyzdyń qylshyq júndi qoiyn býdandastyrý arqyly shyǵarylǵan.
Mamandardyń pikirinshe, «Arashan» tuqymy ettiligimen, tez salmaq qosýymen jáne jergilikti klimatqa beiimdiligimen erekshelenedi.
