Keiingi kúnderi qoǵamda "qyrkúiek" pen "qyrgúiek" nusqalaryna bailanysty daý qyzý talqylanyp jatyr, dep habarlaidy dalanews.kz.
Vitse-prezident Erlan Qarin osy jaǵdaiǵa qatysty mańyzdy jiyn ótkizdi.
"Qyrkúiek" pen "qyrgúiekke" qatysty pikirtalas bizge de jetti. Shyn máninde, bul til mamandary men ádebi ortanyń ǵana máselesi emes. Qazaq tili memlekettik til bolǵandyqtan, árbir sózdiń aitylýy men jazylýy memlekettik apparattyń kúndelikti jumysyna da tikelei qatysty. Óitkeni qazir qazaq tili keńse tiline ainaldy. Sondyqtan mundai máseleniń bir ushy bizge de tietini ras. Árine, memleket qai sózdi qalai jazý kerek ekenine aralasa almaidy, aralaspaidy da. Bul – sala mamandary men ǵalymdardyń jumysy.
Bizdiń mindetimiz – osy isti tiimdi úilestirý. Sol sebepti elimizde til saiasatyn júrgizip otyrǵan mekemelerdiń basshylary men belgili ǵalymdardy jinap, atalǵan taqyryp jóninde pikir almastyq", - dedi ol.
Erlan Qarinniń sózinshe, talqylaý barysynda qazaq tiliniń jańa orfografiialyq sózdigin ázirleý qajet degen sheshimge kelgen.
"Aldymen belgili ǵalymdardan arnaiy jumys toby qurylyp, jańa sózdik daiyndalady. Usynylǵan eńbek Mekemearalyq komissiiada qaralyp, bekitiledi. Orfografiialyq sózdik sońǵy ret 2013 jyly shyqqan. Sodan beri qoldanysqa qanshama jańa sózder qosyldy. Qazirgi pikirtalastardyń bir ushqyny da sonda jatyr. Bul iste asyǵystyq tanytýǵa bolmaidy ári sozyp júrýge de ýaqyt joq. Qazaqstan tarihynyń kóptomdyq akademiialyq jinaǵyn ázirlegendei, jańa orfografiialyq sózdikke de ulttyq joba retinde qaraýǵa tiispiz", - dedi vitse-prezident.
