Almatyda «Zań konsýltasıalary» jobasy iske qosyldy, sonyń arqasynda barlyq tilek bildirýshiler mamandardyń zań kómegin tegin ala alady. Úsh aıdyń ishinde zań kómegi oflaın formatta 553 turǵynǵa kórsetildi, 1102 onlaın-konsýltasıa ótkizildi.
– Bul jobanyń negizgi maqsaty qıyn ómirlik jaǵdaıǵa tap bolǵan azamattardyń quqyqtaryn qorǵaý jáne halyqtyń quqyqtyq bilim deńgeıin arttyrý bolyp tabylady. Bizdiń zańgerler qabyldaýdy tegin júrgizedi. Joba tanymal bolǵan jaǵdaıda mamandar shtaty keńeıtiledi, – dedi qoǵamdyq qor tóraǵasy.
Kópjyldyq tájirıbesi bar zańgerler azamattar júgingen kezde aýyzsha jáne jazbasha keńester berip qana qoımaı, is materıaldaryn zerdeleýge kómektesedi, sottarda ótinish bildirgenderdiń múddelerin bildiredi, talap aryz jazýǵa járdemdesedi jáne basqa da kóptegen máselelerdi sheshedi.
Almatylyqtar Toraıǵyrov kóshesi, 29 meken-jaıyna habarlasa alady. Joba 2022 jyldyń jeltoqsanyna deıin áreket etedi.
Zańgerler men jobany uıymdastyrýshylar komandasynyń bolashaqqa úlken josparlary bar. Aqnur Ospanovanyń maqsaty – Almaty qalasyn ǵana emes, búkil Qazaqstandy qamtý.
