Pavlodar oblysyndaǵy qutqarýshylar zeinetke shyǵý jasyn 63-ten 55-ke deiin tómendetýdi talap etýde. Bul týraly óńirlik Tótenshe jaǵdailar departamentiniń qyzmetkerleri málimdedi, dep habarlaidy Dalanews.kz.
Qazir elimizde qutqarýshylar jalpy tártip boiynsha 63 jasta zeinetke shyǵady. Alaida salanyń mamandary mundai aýyr ári qaýipti qyzmetke munsha ýaqytqa deiin shydaýdyń qiyn ekenin alǵa tartady.
"Qazirgi qutqarýshylardyń kóbi qyzmetke 2000-jyldardyń basynda kelgen. Qazir olardyń jasy 50–57 shamasynda. Pavlodardaǵy jedel-qutqarý jasaǵy qyzmetkerleriniń ortasha jasy – 47. Eń úlkenimiz – 61-de. Bul jasta alpinizmmen ainalysyp, sýǵa súńgip, óńirlerge issaparǵa baryp, adamdardy qutqarý ońai emes. Biz dene daiyndyǵyn saqtaimyz, biraq fiziologiia zańyna qarsy turý qiyn. Osyndai jaǵdaida eń bolmasa 55 jasta zeinetke shyǵýǵa múmkindik berilse deimiz", – deidi Pavlodar oblystyq TJD qutqarý bóliminiń basshysy Valerii Arhipov.
Qutqarýshylardyń aitýynsha, olar MChS-tiń ózge qurylymdarynan aiyrmashylyǵy – attestattalǵan qyzmetker sanalmaidy. Sol sebepti, «eńbek sińirgen jyldar» úshin beriletin zeinetke erte shyǵý quqyǵy qarastyrylmaǵan.
"Qazir tehnikalyq jaraqtandyrý, qural-saimandardy jańartý jaǵynan ilgerileý bar. Biraq zeinet máselesi kóp jyldan beri sheshimin tappai keledi, – deidi olar.
Qutqarýshylar óz ómirin qaýipke tigip, tótenshe jaǵdailar kezinde alǵy shepte júretin mamandardyń eńbegi laiyqty baǵalanýy tiis dep sanaidy.
