پاۆلودار وبلىسىنداعى قۇتقارۋشىلار زەينەتكە شىعۋ جاسىن 63-تەن 55-كە دەيٸن تٶمەندەتۋدٸ تالاپ ەتۋدە. بۇل تۋرالى ٶڭٸرلٸك تٶتەنشە جاعدايلار دەپارتامەنتٸنٸڭ قىزمەتكەرلەرٸ مەلٸمدەدٸ, دەپ حابارلايدى Dalanews.kz.
قازٸر ەلٸمٸزدە قۇتقارۋشىلار جالپى تەرتٸپ بويىنشا 63 جاستا زەينەتكە شىعادى. الايدا سالانىڭ ماماندارى مۇنداي اۋىر ەرٸ قاۋٸپتٸ قىزمەتكە مۇنشا ۋاقىتقا دەيٸن شىداۋدىڭ قيىن ەكەنٸن العا تارتادى.
"قازٸرگٸ قۇتقارۋشىلاردىڭ كٶبٸ قىزمەتكە 2000-جىلداردىڭ باسىندا كەلگەن. قازٸر ولاردىڭ جاسى 50–57 شاماسىندا. پاۆلودارداعى جەدەل-قۇتقارۋ جاساعى قىزمەتكەرلەرٸنٸڭ ورتاشا جاسى – 47. ەڭ ٷلكەنٸمٸز – 61-دە. بۇل جاستا الپينيزممەن اينالىسىپ, سۋعا سٷڭگٸپ, ٶڭٸرلەرگە ٸسساپارعا بارىپ, ادامداردى قۇتقارۋ وڭاي ەمەس. بٸز دەنە دايىندىعىن ساقتايمىز, بٸراق فيزيولوگييا زاڭىنا قارسى تۇرۋ قيىن. وسىنداي جاعدايدا ەڭ بولماسا 55 جاستا زەينەتكە شىعۋعا مٷمكٸندٸك بەرٸلسە دەيمٸز", – دەيدٸ پاۆلودار وبلىستىق تجد قۇتقارۋ بٶلٸمٸنٸڭ باسشىسى ۆالەريي ارحيپوۆ.
قۇتقارۋشىلاردىڭ ايتۋىنشا, ولار مچس-تٸڭ ٶزگە قۇرىلىمدارىنان ايىرماشىلىعى – اتتەستاتتالعان قىزمەتكەر سانالمايدى. سول سەبەپتٸ, «ەڭبەك سٸڭٸرگەن جىلدار» ٷشٸن بەرٸلەتٸن زەينەتكە ەرتە شىعۋ قۇقىعى قاراستىرىلماعان.
"قازٸر تەحنيكالىق جاراقتاندىرۋ, قۇرال-سايمانداردى جاڭارتۋ جاعىنان ٸلگەرٸلەۋ بار. بٸراق زەينەت مەسەلەسٸ كٶپ جىلدان بەرٸ شەشٸمٸن تاپپاي كەلەدٸ, – دەيدٸ ولار.
قۇتقارۋشىلار ٶز ٶمٸرٸن قاۋٸپكە تٸگٸپ, تٶتەنشە جاعدايلار كەزٸندە العى شەپتە جٷرەتٸن مامانداردىڭ ەڭبەگٸ لايىقتى باعالانۋى تيٸس دەپ سانايدى.
