Soltústik Koreiada kúnnen qorǵaityn kózildirik, djins jáne aq toi kóilegin kigender ólim jazasyna kesiledi, - dep habarlaidy Dalanews.kz.
El prezidenti Kim Chen Yn ólim jazasyna kesetin "qylmystardyń" sanyn kóbeitken.
Kózildirik, djins, aq toi kóileginen bólek, Ońtústik Koreiadan engen sleng sózderdi qoldanǵandar, antimemlekettik propagandamen ainalysyp, qarýdy zańsyz shyǵarǵandar da ólim qushady. Elde Bibliia da tyiym salynǵan kitaptardyń tiziminde.
Soltústik Koreiada eki basty ideologiia bar, ol: chýchhe jáne kimirsenizm (Kim otbasyna tabyný).
Saiasi kóshbasshydan da joǵary avtoritet bar dep senetinder jazalanady.
Buǵan deiin Soltústik Koreiada Ońtústik Koreianyń telearnalaryn kórgen júzdegen adam ólim jazasyna kesilgen bolatyn. Sonymen qatar,taiaýda sý tasqynyna kináli 30-ǵa jýyq sheneýnik ólim jazasyna kesildi.
Ońtústik Koreianyń tyńshylyq agenttigi Soltústik Koreianyń osy jyldyń basynda sý tasqynynan bolǵan eleýli zalalǵa jaýapty birneshe sheneýnikti ólim jazasyna kesý belgilerin muqiiat qadaǵalap otyrǵanyn aitty.
Ońtústik Koreianyń TV Shoѕun telearnasynyń málimeti boiynsha, ótken aida Soltústik Koreia osy jyldyń shilde-tamyz ailarynda eldiń soltústik-batysyn sharpyǵan "sý tasqynyna jaýapty" 20-30 sheneýnikti ólim jazasyna kesti.
Atap aitqanda, sheneýnikter sý tasqynynan zardap shekken Djagan provintsiiasyndaǵy Koreianyń Eńbek partiiasynyń burynǵy hatshysy Kan Bon Hýnmen bailanysty boldy. Ol buǵan deiin áskeri ónerkásip ministriniń orynbasary qyzmetin atqarǵan.
