سولتۇستىك كورەيادا كۇننەن قورعايتىن كوزىلدىرىك، دجينس جانە اق توي كويلەگىن كيگەندەر ءولىم جازاسىنا كەسىلەدى، - دەپ حابارلايدى Dalanews.kz.
ەل پرەزيدەنتى كيم چەن ىن ءولىم جازاسىنا كەسەتىن "قىلمىستاردىڭ" سانىن كوبەيتكەن.
كوزىلدىرىك، دجينس، اق توي كويلەگىنەن بولەك، وڭتۇستىك كورەيادان ەنگەن سلەنگ سوزدەردى قولدانعاندار، انتيمەملەكەتتىك پروپاگاندامەن اينالىسىپ، قارۋدى زاڭسىز شىعارعاندار دا ءولىم قۇشادى. ەلدە بيبليا دا تىيىم سالىنعان كىتاپتاردىڭ تىزىمىندە.
سولتۇستىك كورەيادا ەكى باستى يدەولوگيا بار، ول: چۋچحە جانە كيميرسەنيزم (كيم وتباسىنا تابىنۋ).
ساياسي كوشباسشىدان دا جوعارى اۆتوريتەت بار دەپ سەنەتىندەر جازالانادى.
بۇعان دەيىن سولتۇستىك كورەيادا وڭتۇستىك كورەيانىڭ تەلەارنالارىن كورگەن جۇزدەگەن ادام ءولىم جازاسىنا كەسىلگەن بولاتىن. سونىمەن قاتار،تاياۋدا سۋ تاسقىنىنا كىنالى 30-عا جۋىق شەنەۋنىك ءولىم جازاسىنا كەسىلدى.
وڭتۇستىك كورەيانىڭ تىڭشىلىق اگەنتتىگى سولتۇستىك كورەيانىڭ وسى جىلدىڭ باسىندا سۋ تاسقىنىنان بولعان ەلەۋلى زالالعا جاۋاپتى بىرنەشە شەنەۋنىكتى ءولىم جازاسىنا كەسۋ بەلگىلەرىن مۇقيات قاداعالاپ وتىرعانىن ايتتى.
وڭتۇستىك كورەيانىڭ TV سھوѕun تەلەارناسىنىڭ مالىمەتى بويىنشا، وتكەن ايدا سولتۇستىك كورەيا وسى جىلدىڭ شىلدە-تامىز ايلارىندا ەلدىڭ سولتۇستىك-باتىسىن شارپىعان "سۋ تاسقىنىنا جاۋاپتى" 20-30 شەنەۋنىكتى ءولىم جازاسىنا كەستى.
اتاپ ايتقاندا، شەنەۋنىكتەر سۋ تاسقىنىنان زارداپ شەككەن دجاگان پروۆينسياسىنداعى كورەيانىڭ ەڭبەك پارتياسىنىڭ بۇرىنعى حاتشىسى كان بون حۋنمەن بايلانىستى بولدى. ول بۇعان دەيىن اسكەري ونەركاسىپ ءمينيسترىنىڭ ورىنباسارى قىزمەتىن اتقارعان.
