Búginde Maiqaiyńdaǵy oiyq túbin qazý jumystary áli de jalǵasýda. Alaida jaǵdai máz emes. Sebebi qutqarýshylar oiyq túbine qosymsha tehnika túsire almai, dabyl qaǵýda, dep habarlaidy Dalanews.kz.
Aitýlarynsha, shuńqyr shetindegi topyraq jynysy jii-jii opyrylyp, qulap jatyr.
Jumys barysynda qutqarýshylar topyraq arasynan avtobýsqa tiesili birneshe usaq bólshekti qazyp shyǵardy. Al shaǵyn ekskavatorlar shamamen avtobýs qulaǵan jerdi saqtyqpen qazyp, jol salyp jatyr.
Óńirlik tótenshe jaǵdailar departamentiniń habarlaýynsha, oiyq shetinen topyraqtardyń qudaýy qutqarýshylardyń ómirine qaýip tóndirip tur. Sol sebepti jumys báseńdep jatqanyn alǵa tartty.
“Shuńqyr túbine bir nemese eki shaǵyn ekskvatordan artyq tehnika túsirý múmkin emes. Al tehnikalardyń baǵytyn syrtynan úilestirip turý úshin ol jerde birneshe maman ǵana bola alady. Ózge qutqarýshylar oiyqtaǵy protsesti udaiy baqylap, úiindi qulai qalǵan jaǵdaida tómendegilerdi tartyp shyǵýǵa daiyn otyrady. Barlyq tehnika men adamdar arnaiy temir arqandarǵa jalǵanǵan” - dep málimdedi olar.
Izdestirý-qutqarý jumystaryna barlyǵy 138 adam, 40 birlik tehnika, 3 kinologiialyq esep jáne 2 dron jumyldyryldy.
