بۇگىندە مايقايىڭداعى ويىق ءتۇبىن قازۋ جۇمىستارى ءالى دە جالعاسۋدا. الايدا جاعداي ءماز ەمەس. سەبەبى قۇتقارۋشىلار ويىق تۇبىنە قوسىمشا تەحنيكا تۇسىرە الماي، دابىل قاعۋدا، دەپ حابارلايدى Dalanews.kz.

ايتۋلارىنشا، شۇڭقىر شەتىندەگى توپىراق جىنىسى ءجيى-جيى وپىرىلىپ، قۇلاپ جاتىر.

جۇمىس بارىسىندا قۇتقارۋشىلار توپىراق اراسىنان اۆتوبۋسقا تيەسىلى بىرنەشە ۇساق بولشەكتى قازىپ شىعاردى. ال شاعىن ەكسكاۆاتورلار شامامەن اۆتوبۋس قۇلاعان جەردى ساقتىقپەن قازىپ، جول سالىپ جاتىر.

وڭىرلىك توتەنشە جاعدايلار دەپارتامەنتىنىڭ حابارلاۋىنشا، ويىق شەتىنەن توپىراقتاردىڭ قۇداۋى قۇتقارۋشىلاردىڭ ومىرىنە ءقاۋىپ ءتوندىرىپ تۇر. سول سەبەپتى جۇمىس باسەڭدەپ جاتقانىن العا تارتتى.

“شۇڭقىر تۇبىنە ءبىر نەمەسە ەكى شاعىن ەكسكۆاتوردان ارتىق تەحنيكا ءتۇسىرۋ مۇمكىن ەمەس. ال تەحنيكالاردىڭ باعىتىن سىرتىنان ۇيلەستىرىپ تۇرۋ ءۇشىن ول جەردە بىرنەشە مامان عانا بولا الادى. وزگە قۇتقارۋشىلار ويىقتاعى پروسەستى ۇدايى باقىلاپ، ءۇيىندى قۇلاي قالعان جاعدايدا تومەندەگىلەردى تارتىپ شىعۋعا دايىن وتىرادى. بارلىق تەحنيكا مەن ادامدار ارنايى تەمىر ارقاندارعا جالعانعان” - دەپ مالىمدەدى ولار.

ىزدەستىرۋ-قۇتقارۋ جۇمىستارىنا بارلىعى 138 ادام، 40 بىرلىك تەحنيكا، 3 كينولوگيالىق ەسەپ جانە 2 درون جۇمىلدىرىلدى.