“Aq jol” partiiasynyń tóraǵasy Azat Perýashev eks-depýtat Asqar Sadyqovty partiiadan nege shyǵarǵanyn túsindirdi, dep habarlaidy Dalanews.kz.
“Biz, saiasi partiia retinde tártip máselelerine nazar aýdardyq. Uiymnyń eti tiri” bolyp, jumys istep turýy kerek. Onda tártip bolýǵa tiis”, — dep jaýap berdi Azat Perýashev Orda.kz agenttigine.
Perýashev partiia kez kelgen qylmystyq istiń bolýyn kútpei, Sadyqovtyń is-áreketteri týraly aqparat alǵan sátte, odan dereý “qutylǵanyn” aitty.
“Ol depýtat retinde bilgenimdi isteýge quqym bar dep oilady. Jaqsy, biz ony bosatyp jiberdik. Endi ózi úshin jumys istesin jáne durys dep eseptegenin jasasyn”, — dedi partiia tóraǵasy.
Eske salaiyq, Azat Perýashev depýtat Asqar Sadyqovtyń partiiadan shyǵarylýyna qatysty málimdeme jasaǵan bolatyn.
"Shaǵymdardyń deni onyń teris is-áreketterine, atap aitqanda, ókilettigin asyra paidalaný men etikalyq normalardy buzýyna bailanysty boldy. Shaǵymdardyń árqaisysy boiynsha jeke-jeke faktiler keltirýge bolatyn bolsa da, bir ǵana mysaldy atap ótý jetkilikti dep oilaimyn.
Máselen, parlamentte (partiiada emes) jumys isteitin bir áiel adam Asqar Sadyqovtyń birneshe ret uiatsyz usynystar jasap, qysym kórsetkeni týraly aityp, aryzdandy. Ol óziniń sózine dálel retinde ýatsabyna Asqar Sadyqovtan kelgen habarlamalardyń skrinin kórsetti (etikalyq sebepterge bailanysty onyń bopsalaýyna tap bolǵan áieldiń esimi jasyrylǵan)", - deidi Perýashev.
Aryzdanýshy 17 sáýirde ózine jazylǵan mundai qorlaý usynystarǵa jaýap bermei, elemegen eken.
"Alaida 15 mamyrda usynystar taǵy qaitalanǵan jáne áiel adamnyń aitýynsha, Asqar Sadyqov júieli túrde basqa kúnderde de jynystyq bopsalaýdy jalǵastyrǵan. Biraq Sadyqovtyń depýtattyq qol suǵylmaýshylyqqa ie ekendigine bailanysty, harassmentke tap bolǵan jábirlenýshi quqyq qorǵaý ornyna júgine almaǵan.
