“اق جول” پارتياسىنىڭ ءتوراعاسى ازات پەرۋاشيەۆ ەكس-دەپۋتات اسقار سادىقوۆتى پارتيادان نەگە شىعارعانىن ءتۇسىندىردى، دەپ حابارلايدى Dalanews.kz.
“ءبىز، ساياسي پارتيا رەتىندە ءتارتىپ ماسەلەلەرىنە نازار اۋداردىق. ۇيىمنىڭ ەتى ءتىرى” بولىپ، جۇمىس ىستەپ تۇرۋى كەرەك. وندا ءتارتىپ بولۋعا ءتيىس”، — دەپ جاۋاپ بەردى ازات پەرۋاشيەۆ Orda.kz اگەنتتىگىنە.
پەرۋاشيەۆ پارتيا كەز كەلگەن قىلمىستىق ءىستىڭ بولۋىن كۇتپەي، سادىقوۆتىڭ ىس-ارەكەتتەرى تۋرالى اقپارات العان ساتتە، ودان دەرەۋ “قۇتىلعانىن” ايتتى.
“ول دەپۋتات رەتىندە بىلگەنىمدى ىستەۋگە قۇقىم بار دەپ ويلادى. جاقسى، ءبىز ونى بوساتىپ جىبەردىك. ەندى ءوزى ءۇشىن جۇمىس ىستەسىن جانە دۇرىس دەپ ەسەپتەگەنىن جاساسىن”، — دەدى پارتيا ءتوراعاسى.
ەسكە سالايىق، ازات پەرۋاشيەۆ دەپۋتات اسقار سادىقوۆتىڭ پارتيادان شىعارىلۋىنا قاتىستى مالىمدەمە جاساعان بولاتىن.
"شاعىمداردىڭ دەنى ونىڭ تەرىس ىس-ارەكەتتەرىنە، اتاپ ايتقاندا، وكىلەتتىگىن اسىرا پايدالانۋ مەن ەتيكالىق نورمالاردى بۇزۋىنا بايلانىستى بولدى. شاعىمداردىڭ ءارقايسىسى بويىنشا جەكە-جەكە فاكتىلەر كەلتىرۋگە بولاتىن بولسا دا، ءبىر عانا مىسالدى اتاپ ءوتۋ جەتكىلىكتى دەپ ويلايمىن.
ماسەلەن، پارلامەنتتە (پارتيادا ەمەس) جۇمىس ىستەيتىن ءبىر ايەل ادام اسقار سادىقوۆتىڭ بىرنەشە رەت ۇياتسىز ۇسىنىستار جاساپ، قىسىم كورسەتكەنى تۋرالى ايتىپ، ارىزداندى. ول ءوزىنىڭ سوزىنە دالەل رەتىندە ۋاتسابىنا اسقار سادىقوۆتان كەلگەن حابارلامالاردىڭ سكرينىن كورسەتتى (ەتيكالىق سەبەپتەرگە بايلانىستى ونىڭ بوپسالاۋىنا تاپ بولعان ايەلدىڭ ەسىمى جاسىرىلعان)"، - دەيدى پەرۋاشيەۆ.
ارىزدانۋشى 17 ساۋىردە وزىنە جازىلعان مۇنداي قورلاۋ ۇسىنىستارعا جاۋاپ بەرمەي، ەلەمەگەن ەكەن.
"الايدا 15 مامىردا ۇسىنىستار تاعى قايتالانعان جانە ايەل ادامنىڭ ايتۋىنشا، اسقار سادىقوۆ جۇيەلى تۇردە باسقا كۇندەردە دە جىنىستىق بوپسالاۋدى جالعاستىرعان. ءبىراق سادىقوۆتىڭ دەپۋتاتتىق قول سۇعىلماۋشىلىققا يە ەكەندىگىنە بايلانىستى، حاراسسمەنتكە تاپ بولعان جابىرلەنۋشى قۇقىق قورعاۋ ورنىنا جۇگىنە الماعان.
