Prezident Qasym-Jomart Toqaev Quryltaidyń alǵashqy sessiiasy ótetin kúndi belgiledi, dep habarlaidy dalanews.kz.
Prezident Qasym-Jomart Toqaev birinshi shaqyrylymdaǵy Qazaqstan Respýblikasy Quryltaiynyń alǵashqy sessiiasyn shaqyrý týraly Jarlyqqa qol qoidy. Jańa quramdaǵy Quryltai depýtattary 28 tamyzda Astanada alǵash ret bas qosady.
Osylaisha, 23 tamyzda ótken sailaýdan keiin jasaqtalǵan jańa Quryltaidyń jumysy resmi túrde bastalmaq.
Eske salaiyq, aldyn ala esep boiynsha, sailaýshylardyń basym bóligi «Ádilet» partiiasyna daýys bergen. Partiia 71,17% daýys jinaǵan.
Qalǵan saiasi uiymdardyń nátijesi tómendegidei:
• «Aýyl» partiiasy - 6,26%, 10 mandat;
• Respublica - 5,56%, 9 mandat;
• «Aq jol» demokratiialyq partiiasy - 5,21%, 8 mandat;
• Jalpyulttyq sotsial-demokratiialyq partiia - 5,11%, 8 mandat;
• Qazaqstannyń Halyq partiiasy - 3,11%;
• «Baitaq» Qazaqstan jasyldar partiiasy - 1,07%;
• «Barlyǵyna qarsymyn» nusqasy - 2,51%.
Osylaisha, aldyn ala qorytyndy boiynsha Quryltaidaǵy depýtattyq mandattardyń negizgi bóligi «Ádilet» partiiasyna tiesili bolady.
