Sharaǵa Mańǵystaý oblysynyń ákimi Eraly Toǵjanov, «QTJ» UK» AQ basshylyǵy, Ázirbaijan keme qatynasy kompaniiasynyń ókili jáne Quryq portynyń eńbekkerleri men myńnan asa belsendi jas qatysty. Jiynda sóz alǵan Eraly Toǵjanov:
– Byltyrǵy jyly Indýstriialandyrý baǵdarlamasy aiasynda Elbasymyz ózi iske qosqan ailaqtan ótkiziletin júktiń kólemi búgin million tonnaǵa jetti. Bul kórsetkish aldaǵy jyldary eki esege ósetin bolady. Jyl saiyn júk aǵynynyń artýyna bailanysty Kaspii óńiri ailaǵynyń áleýetin qarqyndy túrde damytýda. Búgingi port – keshegi Jibek jolynyń strategiialyq jalǵasy. Qazaqstannyń tranzittik jáne eksporttyq áleýetin kóterip, kólik-logistikalyq jáne indýstriialyq infraqurylymyn alǵa jeteleitin negizgi kúshke ainalmaq, – dedi.
Sonymen qatar, Quryq portynyń qyzmetkerleriniń atynan Aigúl Saparǵalieva Elbasy Nursultan Nazarbaevqa alǵys aityp, qýanyshyn jetkizdi.
– Asa qurmetti Nursultan Ábishuly! Indýstriia kúnine orai 2016 jyldyń 6 jeltoqsanynda ótkizilgen jalpyulttyq telekópir rejiminde, Sizdiń tapsyrmańyzben Mańǵystaý oblysy Quryq porty birinshi ret iske qosyldy. Búgingi tańda, Quryq porty júk tasymaldaýdaǵy Transkaspii kólik dáliziniń kúre tamyry retinde, Eýraziia aýmaǵynda Qazaqstannyń kóliktik-logistikalyq habyna ainalýda. Búgingi merekelik sharaǵa qatysýshylardyń atynan, Quryq paromdyq kesheni arqyly, tuńǵysh million tonnalyq júk jóneltilýin, Sizge qýanyshpen habarlaýǵa jáne búkil mańǵystaýlyqtardyń atynan quttyqtaýǵa ruqsat etińiz, – dedi.
Saltanatty sharada Quryq portynyń bas direktory M. Saqtaǵanov memleket basshysynyń tapsyrmasymen júzege asyrylyp jatqan Qazaqstannyń Kaspii teńizindegi porttardy keńeitý, elimizdiń kólik-logistikalyq áleýetin damytýdyń sharalaryna toqtaldy. Resmi málimetter boiynsha porttaǵy bir million tonna júktiń 548 myń tonnasy eksportqa shyǵaryldy. Importtyq júkter 452 myń tonnany qurap otyr. Taǵy bir tiimdi tusy atalmysh infraqurylymdar teńiz mańyndaǵy qozǵalysty tórt saǵatqa jedeldetedi. Máselen, Baký men Quryq arasyndaǵy parommen júrý ýaqyty 18 saǵatty quraidy. Al, Aqtaýdan Bakýge 22 saǵat jiberedi.
[caption id="attachment_31237" align="aligncenter" width="1024"]
Mańǵystaý jerinen jóneltilgen júk Ázirbaijan, Grýziia porttary arqyly Eýropaǵa qarai jol tartady. Quryq parom keshenimen qazaqstandyq astyq, kómir, munai ónimderi, tyńaitqysh, himiialyq ónimder, tranzittik júkter, Qytai, Qyrǵyzstan jáne Ózbekstannan shyqqan júkter eksportqa shyǵarylady. Parom kesheninde bir temirjol ailaǵy, tórt temirjol kórmelik parki bar. Temirjol stantsiiasyna kire beriste óńdeý jáne suryptaý qyzmeti, «Ersai stantsiiasy – Quryq porty» kire beris temirjoly, ákimshilik jáne óndiristik maqsattaǵy nysandar salyndy. Atalmysh ailaqtaǵy parom ótkeli men «Borjaqty-Ersai» temirjol jelisi basty jáne suiyq júkterdiń mýltimodaldyq tasymalyn qamtamasyz etedi. Bul óz kezeginde Kaspii baǵdarymen batys baǵyttaǵy eksporttyq áleýeti men tranzittik júk aǵynyn eselep arttyrady.
Eki temirjol ailaǵynyń paidalanýǵa berilýi arqyly táýligine bes paromǵa qyzmet kórsetip, ol arqyly jylyna 4 million tonna júkti óńdeýden ótkizedi. Ailaqtaǵy avtokólik paromymen qyzmet kórsetýdi paidalanýǵa berý jylyna 6 million tonnaǵa deiin júk ótkizýge múmkindik beredi.
Mańǵystaý oblysy óńirlik kommýnikatsiialarqyzmetiniń baspasóz qyzmeti
