شاراعا ماڭعىستاۋ وبلىسىنىڭ اكىمى ەرالى توعجانوۆ، «قتج» ۇك» اق باسشىلىعى، ءازىربايجان كەمە قاتىناسى كومپانياسىنىڭ وكىلى جانە قۇرىق پورتىنىڭ ەڭبەككەرلەرى مەن مىڭنان اسا بەلسەندى جاس قاتىستى. جيىندا ءسوز العان ەرالى توعجانوۆ:
– بىلتىرعى جىلى يندۋستريالاندىرۋ باعدارلاماسى اياسىندا ەلباسىمىز ءوزى ىسكە قوسقان ايلاقتان وتكىزىلەتىن جۇكتىڭ كولەمى بۇگىن ميلليون تونناعا جەتتى. بۇل كورسەتكىش الداعى جىلدارى ەكى ەسەگە وسەتىن بولادى. جىل سايىن جۇك اعىنىنىڭ ارتۋىنا بايلانىستى كاسپيي ءوڭىرى ايلاعىنىڭ الەۋەتىن قارقىندى تۇردە دامىتۋدا. بۇگىنگى پورت – كەشەگى جىبەك جولىنىڭ ستراتەگيالىق جالعاسى. قازاقستاننىڭ ترانزيتتىك جانە ەكسپورتتىق الەۋەتىن كوتەرىپ، كولىك-لوگيستيكالىق جانە يندۋستريالىق ينفراقۇرىلىمىن العا جەتەلەيتىن نەگىزگى كۇشكە اينالماق، – دەدى.
سونىمەن قاتار، قۇرىق پورتىنىڭ قىزمەتكەرلەرىنىڭ اتىنان ايگۇل ساپارعالييەۆا ەلباسى نۇرسۇلتان نازاربايەۆقا العىس ايتىپ، قۋانىشىن جەتكىزدى.
– اسا قۇرمەتتى نۇرسۇلتان ءابىش ۇلى! يندۋستريا كۇنىنە وراي 2016 جىلدىڭ 6 جەلتوقسانىندا وتكىزىلگەن جالپىۇلتتىق تەلەكوپىر رەجيمىندە، ءسىزدىڭ تاپسىرماڭىزبەن ماڭعىستاۋ وبلىسى قۇرىق پورتى ءبىرىنشى رەت ىسكە قوسىلدى. بۇگىنگى تاڭدا، قۇرىق پورتى جۇك تاسىمالداۋداعى ترانسكاسپيي كولىك ءدالىزىنىڭ كۇرە تامىرى رەتىندە، ەۋرازيا اۋماعىندا قازاقستاننىڭ كولىكتىك-لوگيستيكالىق حابىنا اينالۋدا. بۇگىنگى مەرەكەلىك شاراعا قاتىسۋشىلاردىڭ اتىنان، قۇرىق پارومدىق كەشەنى ارقىلى، تۇڭعىش ميلليون توننالىق جۇك جونەلتىلۋىن، سىزگە قۋانىشپەن حابارلاۋعا جانە بۇكىل ماڭعىستاۋلىقتاردىڭ اتىنان قۇتتىقتاۋعا رۇقسات ەتىڭىز، – دەدى.
سالتاناتتى شارادا قۇرىق پورتىنىڭ باس ديرەكتورى م. ساقتاعانوۆ مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان قازاقستاننىڭ كاسپيي تەڭىزىندەگى پورتتاردى كەڭەيتۋ، ەلىمىزدىڭ كولىك-لوگيستيكالىق الەۋەتىن دامىتۋدىڭ شارالارىنا توقتالدى. رەسمي مالىمەتتەر بويىنشا پورتتاعى ءبىر ميلليون توننا جۇكتىڭ 548 مىڭ تونناسى ەكسپورتقا شىعارىلدى. يمپورتتىق جۇكتەر 452 مىڭ توننانى قۇراپ وتىر. تاعى ءبىر ءتيىمدى تۇسى اتالمىش ينفراقۇرىلىمدار تەڭىز ماڭىنداعى قوزعالىستى ءتورت ساعاتقا جەدەلدەتەدى. ماسەلەن، باكۋ مەن قۇرىق اراسىنداعى پاروممەن ءجۇرۋ ۋاقىتى 18 ساعاتتى قۇرايدى. ال، اقتاۋدان باكۋگە 22 ساعات جىبەرەدى.
[caption id="attachment_31237" align="aligncenter" width="1024"]
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]
ماڭعىستاۋ جەرىنەن جونەلتىلگەن جۇك ءازىربايجان، گرۋزيا پورتتارى ارقىلى ەۋروپاعا قاراي جول تارتادى. قۇرىق پاروم كەشەنىمەن قازاقستاندىق استىق، كومىر، مۇناي ونىمدەرى، تىڭايتقىش، حيميالىق ونىمدەر، ترانزيتتىك جۇكتەر، جۇڭگو، قىرعىزستان جانە وزبەكستاننان شىققان جۇكتەر ەكسپورتقا شىعارىلادى. پاروم كەشەنىندە ءبىر تەمىرجول ايلاعى، ءتورت تەمىرجول كورمەلىك پاركى بار. تەمىرجول ستانسياسىنا كىرە بەرىستە وڭدەۋ جانە سۇرىپتاۋ قىزمەتى، «ەرساي ستانسياسى – قۇرىق پورتى» كىرە بەرىس تەمىرجولى، اكىمشىلىك جانە وندىرىستىك ماقساتتاعى نىساندار سالىندى. اتالمىش ايلاقتاعى پاروم وتكەلى مەن «بورجاقتى-ەرساي» تەمىرجول جەلىسى باستى جانە سۇيىق جۇكتەردىڭ مۋلتيمودالدىق تاسىمالىن قامتاماسىز ەتەدى. بۇل ءوز كەزەگىندە كاسپيي باعدارىمەن باتىس باعىتتاعى ەكسپورتتىق الەۋەتى مەن ترانزيتتىك جۇك اعىنىن ەسەلەپ ارتتىرادى.
ەكى تەمىرجول ايلاعىنىڭ پايدالانۋعا بەرىلۋى ارقىلى تاۋلىگىنە بەس پارومعا قىزمەت كورسەتىپ، ول ارقىلى جىلىنا 4 ميلليون توننا جۇكتى وڭدەۋدەن وتكىزەدى. ايلاقتاعى اۆتوكولىك پارومىمەن قىزمەت كورسەتۋدى پايدالانۋعا بەرۋ جىلىنا 6 ميلليون تونناعا دەيىن جۇك وتكىزۋگە مۇمكىندىك بەرەدى.
ماڭعىستاۋ وبلىسى وڭىرلىك كوممۋنيكاسيالارقىزمەتىنىڭ باسپا ءسوز قىزمەتى
