13 naýryzda Ulttyq quryltaidyń «Rýhaniiat. Óner. Mádeniet» sektsiiasynyń otyrysy ótti. Otyrysty mádeniet jáne aqparat ministri Aida Balaeva júrgizdi, dep habarlaidy Dalanews.kz.
Otyrysta 21 quryltai múshesi óz oi-pikirlerin ortaǵa salǵan. Sonyń ishinde májilis depýtaty Edil Jańyrshin de bar.
Memlekettik qyzmetke qabyldanýshylarǵa qatysty testte qazaq tiliniń nátijesi birinshi kezekte eskerilýi qajet. Qazirgi jaǵdaida test tapsyrýshy tulǵa qazaq tilinen nól nátije alsa da memlekettik qyzmetke qabyldana beredi. Turǵyndarynyń 90% astamy qazaq ultynan turatyn óńirlerden bastap, memlekettik organdarda isqaǵazdaryn tek memlekettik tilde júrgizý protsesin bastaý. Basqa óńirlerdiń memlekettik organdarynda isqaǵazdaryn tek memlekettik tilde júrgizýdi, qazaq ultynyń úlesin eskere otyryp, kezeń-kezeńmen josparly túrde ótkizý. Qazaq tili – elimizdegi ulttardy uiystyratyn birden bir memlekettik qundylyǵymyz.
Muryn jyraý Seńirbekulynyń murasyn, iaǵni «Qyrymnyń qyryq batyry» jyrlaryn zertteý, zerdeleý jáne nasihattaý. Ol úshin Muryn jyraý murasyn IýNESKO-nyń beimaterialdyq qundylyqtar tizimine engizý. «Qyrymnyń qyryq batyry» jyryn bilim ordalarynyń (mektep, kolledj, JOO) oqý baǵdarlamalaryna engizý. Respýblikalyq deńgeide arnaiy atalyp ótetin tulǵalardyń tizimine Muryn jyraý Seńgirbekulyn engizý.
LGBT nasihatyna tolyq tyiym salatyn zań normasyn engizýdiń ýaqyty keldi. Tiisti memlekettik organdar bul máselede Parlament depýtattaryn tolyq qoldaýlary qajet.
Mádeni-kópshilik sharalarda fonogrammamen án aitýǵa tyiym salý. Ministr Aida Balaeva talanttardy shyǵarýda bul máseleni qoldaitynyn, barlyq taraptarmen bul máseleni jan-jaqty talqylap, sheshim qabyldaý kerektigin aitty.
Qazaqstanǵa shet elden keletin kórkem filmdi dýbliaj jasaýdy bir kompaniia alyp alǵan, iaǵni monopolist. Ol kompaniia dýbliajdy tek basqa tilde aýdaryp otyr, filmderdi memlekettik tilge aýdarý joqtyń qasy. Endi osy kompaniiaǵa filmderdi memlekettik tilge aýdarýǵa talap qoiý nemese litsenziia talaptaryn qaita qarap, básekelestik jaǵdai jasap, basqa da dýbliaj jasaityn kompaniialarǵa jol ashý. Internet alaiaqtardan azamattarymyzdy memleket tarapynan kiberqorǵaý sharalary áli de álsiz bolyp otyr. Bankter tarapynan da azamattardyń aktivteri men jeke málimetterin qorǵaý óz deńgeiinde emes. Kóptegen azamattar solardyń qiturqy ádis-tásilderinen qarjylarynan aiyrylyp qalyp jatyr, memleket syrtyna milliardtaǵan qarjy ketip qalýda. Osyǵan orai quqyq qorǵaý organdaryn kiberqorǵanyspen ainalysatyn myqty kadrlarmen, zamanaýi jabdyqtarmen jáne tehnologiialarmen qamtamasyz etý qajet. Bankterdiń ishki baqylaý qyzmetteriniń jumystaryn qaita qarap, olardyń quqyq qorǵaý organdarymen jumystaryn úilestirýdi jetildirý qajet. Alaiaqtarǵa qarsy kúreske baǵyttalǵan arnaiy qazaqstandyq IT baǵdarlamalardy keńinen qoldaný qajet. Álemdik deńgeidegi ondai baǵdarlamalar bizde bar, – dedi Edil Jańbyrshin.
