13 ناۋرىزدا ۇلتتىق قۇرىلتايدىڭ «رۋحانيات. ونەر. مادەنيەت» سەكسياسىنىڭ وتىرىسى ءوتتى. وتىرىستى مادەنيەت جانە اقپارات ءمينيسترى ايدا بالايەۆا جۇرگىزدى، دەپ حابارلايدى Dalanews.kz.
وتىرىستا 21 قۇرىلتاي مۇشەسى ءوز وي-پىكىرلەرىن ورتاعا سالعان. سونىڭ ىشىندە ءماجىلىس دەپۋتاتى ەدىل جاڭىرشين دە بار.
مەملەكەتتىك قىزمەتكە قابىلدانۋشىلارعا قاتىستى تەستتە قازاق ءتىلىنىڭ ناتيجەسى ءبىرىنشى كەزەكتە ەسكەرىلۋى قاجەت. قازىرگى جاعدايدا تەست تاپسىرۋشى تۇلعا قازاق تىلىنەن ءنول ناتيجە السا دا مەملەكەتتىك قىزمەتكە قابىلدانا بەرەدى. تۇرعىندارىنىڭ 90% استامى قازاق ۇلتىنان تۇراتىن وڭىرلەردەن باستاپ، مەملەكەتتىك ورگانداردا ءىسقاعازدارىن تەك مەملەكەتتىك تىلدە جۇرگىزۋ پروسەسىن باستاۋ. باسقا وڭىرلەردىڭ مەملەكەتتىك ورگاندارىندا ءىسقاعازدارىن تەك مەملەكەتتىك تىلدە جۇرگىزۋدى، قازاق ۇلتىنىڭ ۇلەسىن ەسكەرە وتىرىپ، كەزەڭ-كەزەڭمەن جوسپارلى تۇردە وتكىزۋ. قازاق ءتىلى – ەلىمىزدەگى ۇلتتاردى ۇيىستىراتىن بىردەن ءبىر مەملەكەتتىك قۇندىلىعىمىز.
مۇرىن جىراۋ سەڭىربەك ۇلىنىڭ مۇراسىن، ياعني «قىرىمنىڭ قىرىق باتىرى» جىرلارىن زەرتتەۋ، زەردەلەۋ جانە ناسيحاتتاۋ. ول ءۇشىن مۇرىن جىراۋ مۇراسىن يۋنەسكو-نىڭ بەيماتەريالدىق قۇندىلىقتار تىزىمىنە ەنگىزۋ. «قىرىمنىڭ قىرىق باتىرى» جىرىن ءبىلىم وردالارىنىڭ (مەكتەپ، كوللەدج، جوو) وقۋ باعدارلامالارىنا ەنگىزۋ. رەسپۋبليكالىق دەڭگەيدە ارنايى اتالىپ وتەتىن تۇلعالاردىڭ تىزىمىنە مۇرىن جىراۋ سەڭگىربەكۇلىن ەنگىزۋ.
لگبت ناسيحاتىنا تولىق تىيىم سالاتىن زاڭ نورماسىن ەنگىزۋدىڭ ۋاقىتى كەلدى. ءتيىستى مەملەكەتتىك ورگاندار بۇل ماسەلەدە پارلامەنت دەپۋتاتتارىن تولىق قولداۋلارى قاجەت.
مادەني-كوپشىلىك شارالاردا فونوگراممامەن ءان ايتۋعا تىيىم سالۋ. مينيستر ايدا بالايەۆا تالانتتاردى شىعارۋدا بۇل ماسەلەنى قولدايتىنىن، بارلىق تاراپتارمەن بۇل ماسەلەنى جان-جاقتى تالقىلاپ، شەشىم قابىلداۋ كەرەكتىگىن ايتتى.
قازاقستانعا شەت ەلدەن كەلەتىن كوركەم ءفيلمدى دۋبلياج جاساۋدى ءبىر كومپانيا الىپ العان، ياعني مونوپوليست. ول كومپانيا دۋبلياجدى تەك باسقا تىلدە اۋدارىپ وتىر، فيلمدەردى مەملەكەتتىك تىلگە اۋدارۋ جوقتىڭ قاسى. ەندى وسى كومپانياعا فيلمدەردى مەملەكەتتىك تىلگە اۋدارۋعا تالاپ قويۋ نەمەسە ليسەنزيا تالاپتارىن قايتا قاراپ، باسەكەلەستىك جاعداي جاساپ، باسقا دا دۋبلياج جاسايتىن كومپانيالارعا جول اشۋ. ينتەرنەت الاياقتاردان ازاماتتارىمىزدى مەملەكەت تاراپىنان كيبەرقورعاۋ شارالارى ءالى دە ءالسىز بولىپ وتىر. بانكتەر تاراپىنان دا ازاماتتاردىڭ اكتيۆتەرى مەن جەكە مالىمەتتەرىن قورعاۋ ءوز دەڭگەيىندە ەمەس. كوپتەگەن ازاماتتار سولاردىڭ قيتۇرقى ادىس-تاسىلدەرىنەن قارجىلارىنان ايىرىلىپ قالىپ جاتىر، مەملەكەت سىرتىنا ميللياردتاعان قارجى كەتىپ قالۋدا. وسىعان وراي قۇقىق قورعاۋ ورگاندارىن كيبەرقورعانىسپەن اينالىساتىن مىقتى كادرلارمەن، زاماناۋي جابدىقتارمەن جانە تەحنولوگيالارمەن قامتاماسىز ەتۋ قاجەت. بانكتەردىڭ ىشكى باقىلاۋ قىزمەتتەرىنىڭ جۇمىستارىن قايتا قاراپ، ولاردىڭ قۇقىق قورعاۋ ورگاندارىمەن جۇمىستارىن ۇيلەستىرۋدى جەتىلدىرۋ قاجەت. الاياقتارعا قارسى كۇرەسكە باعىتتالعان ارنايى قازاقستاندىق IT باعدارلامالاردى كەڭىنەن قولدانۋ قاجەت. الەمدىك دەڭگەيدەگى ونداي باعدارلامالار بىزدە بار، – دەدى ەدىل جاڭبىرشين.
