Qazaqstandaǵy qurylys alańdarynda STALFORM belgisi bar aýyr metal qurylymdar jıi kezdesip júr. Bul kompanıa sońǵy jyldary opalýbka men qurylysqa arnalǵan tireýish júıelerdi óndirýshiler arasynda óz ornyn tapty. STALFORM júıeleri turǵyn úıler, kópirler, tipti keme jasaý men konsert alańdaryndaǵy sahnalardy qurastyrý kezinde de qoldanylady, dep habarlaıdy Dalanews.kz.
«Opalýbka» degen bir qaraǵanda qurǵaq sózdiń artynda ne jatyr? STALFORM shyǵaratyn ártúrli tireýish júıelerdiń ereksheligi nede?
Cup-Lock: beton men jelge senimdi júıe
Cup-Lock — STALFORM júıeleriniń ishindegi eń aýyr artılerıa. Bul júıe 20 metrge deıingi bıiktikte monolıtti jabyndardy quıý, kópirlerdi jóndeý, munaı ónerkásibi men keme jóndeý doktarynda paıdalanylady. Qurastyrý mehanızmi — eresekterge arnalǵan konstrýktor ispettes: tik tirekter rıgeldermen arnaıy «chashkalar» arqyly jalǵanady da, balǵanyń bir soqqysymen bekitiledi.
Bul júıe aýyr salmaqty kóterýge arnalǵan. Bekitkishter jaı shoıynnan emes, bolat qosylǵan arnaıy qorytpadan jasalǵan. Cup-Lock júıesiniń basty artyqshylyǵy — beriktikpen qatar jyldam quralýy. Bul iri qurylys nysandarynda asa mańyzdy.
Table Form: kópqabatty úılerge arnalǵan ústel
Table Form — ámbebap ramalyq opalýbka júıesi. Shyn máninde, bul qabataralyq jabyndardy betondaý kezinde opalýbka qalqandaryn ustap turatyn berik qańqa. Dıagonaldar men ramalardy biriktire otyryp, bul qurylym ýaqytsha tireý nemese satyly munara retinde de qoldanylýy múmkin. Maksımaldy bıiktigi — 18 metr.
Table Form júıesiniń ereksheligi — bıiktikti dál retteý múmkindigi. Bul úshin qosymsha qondyrmalar, tireýishter jáne ýnıvılkalar qoldanylady.
Socket: qulypsyz jáne qarapaıym
Socket — qurylymy jaǵynan eń qarapaıym, biraq senimdi júıe. Ony tirekterdi biriniń ústine birin «stakan» tárizdi ornatý arqyly qurastyrady — bekitkishter men qulyptar qajet emes. Bul júıe montajdy da, saqtaýdy da jeńildetedi. Ásirese, tıptik monolıtti qurylystarda yńǵaıly.
Tirekter arasyndaǵy qashyqtyqty ıkemdi túrde ózgertýge bolady, al bıiktikti naqty retteý úshin ýnıvılkalar qoldanylady. Negizgi elementter profıldi jáne dóńgelek qubyrlardan jasalady — tańdaý qajetti júk kótergishtikke baılanysty.
Klındi tireýishter: fasadqa uqypty qatynas
Fasadtyq nemese klındi tireýishter — ǵımarat pishini mańyzdy bolǵan jaǵdaıda paıdalanylady. Qurylym kez kelgen ıiske beıimdele alady. Bul júıe tek adamdar men materıaldardy ǵana emes, aýyr jabdyqty da kótere alady.
Tik tirekterde arnaıy oıyqtary bar flanester ornalasqan. Sol jerge dıagonaldar men rıgelder kirgizilip, klın arqyly bekitiledi. Mundaı sheshim montajdy jeńildetip, ásirese tarıhı nysandardy qalpyna keltirý kezinde paıdaly — ol kezde qabyrǵalarǵa túsetin qysym az bolýy qajet.
Mesa Flex: aýyr salmaq pen daýylǵa tótep beretin júıe
Mesa Flex serıasy eki sanattan turady: MF-60 jáne MF-40. Birinshisi aýyr júıe — bir tirekke 60 kN deıin salmaq túsire alady, al ekinshisi standartty — 40 kN deıin. Bul júıeler kúrdeli ınjenerlik tapsyrmalarǵa arnalǵan, sonyń ishinde jel men dınamıkalyq júktemeler joǵary bolatyn jaǵdaıda. Barlyq elementter ystyq myryshpen qaptalǵan — bul tottanýdan qorǵaıdy.
Mesa Flex kóbine iri qurylystarda — kópirlerde, óndiristik ǵımarattarda, kópqabatty konstrýksıalar bar nysandarda kezdesedi. Bul júıe mınımaldy komponentterden turady, sondyqtan qurastyrýǵa az ýaqyt ketedi jáne qatelesý yqtımaldyǵy azaıady.
