Maqpal Júnisova Quralai Nurqadilovamen arada bolǵan keleńsiz jait týraly áńgimeledi, - dep habarlaidy Dalanews.kz.
Óner iesiniń aitýynsha, marqum jubaiynyń qyzy kontsert aldynda pyshaqtap ketken.
"Mereidiń telefonyn Qorazbaev aǵadan surap alǵan. Mereige qońyraý shalyp, mazasyn ala bastady. Ony maǵan Merei aitady. Sodan keiin shyndyqty aitýǵa týra keldi. Onyń qyzy maǵan qiianat jasady. Kezinde pyshaq saldy. Onyń bári gazetke shyqqan. Maǵan pyshaq salǵan adam meniń qyzymdy keremet qylady dep otyrsyń ba?!Quralai maǵan pyshaq salǵan. Kontserttiń aldynda Respýblika saraiynyń janynda pyshaqtap ketken. Ol sol kezde "Vechernii Almaty" degen gazetke shyqqan. Nurqadilovtiń qyzy dep turyp shyqty", - dedi ánshi Dina Tólepbergenge suhbatynda.
Ánshiniń sózinshe, jaraqat qolyna tigen.
"Tamyrdyń janynan ketti, tyrtyq qalǵan", - dedi óner iesi.
Maqpal Júnisova Quralai Nurqadilovany Zamanbek Nurqadilovtiń abyroiy úshin keshirgenin aitty.
"Ákesiniń abyroiyn oilap, ony keshirgenmin. Biraq ol odan keiin túsindi me? Ózi keiin sol taqyrypty qozǵap, suhbat beripti", - deidi ánshi.
