Quqytyq saýattylyqty arttyrýǵa arnalǵan shara
Bul rette osyndai problemalarǵa tap bolǵan azamattar elimizdiń Ishki ister ministriniń blogyna shaǵym jazýdy nemese aýmaqtyq ishki ister organdaryna tikelei júginbei, áleýmettik jelilerde bólisýdi qalaidy. Osyǵan bailanysty, halyq arasynda quqyqtyq túsindirý jumystaryn júrgizý, azamattardyń ishki ister organdaryna degen senimin arttyrý maqsatynda jýyrda ǵana Shý aýdandyq politsiia bólimi aýdan ortalyǵy Tóle bi aýylynda jáne Shý qalasyndaǵy ortalyq bazar mańynda «Jolda qabyldaý» aktsiiasyn uiymdastyrdy. Rasyn aitý kerek, búgingi tańda turǵyndardyń basym kópshiligi quqyq qorǵaý qyzmetkerleriniń jumys sapasyna senimsizdikpen qarap jatady. Elimizdiń Tuńǵysh Prezidenti – Nursultan Nazarabaev ta óziniń ótken jylǵy halyqqa Joldaýynda dál osy quqyq qorǵaý qyzmetkerlerdiń biliktiligin arttyrýǵa bailanysty birqatar tapsyrmalar bergen bolatyn. Soǵan sáikes, biylǵy jyly politseilerdi synaqtan ótkizý máselesi kún tártibine qoiylyp, birqatar ózgerister oryn almaqshy. Osyǵan qarap-aq, jýyq arada politsiia qyzmetkerleri men qarapaiym halyqtyń arasyndaǵy bailanys nyǵaia túsetinin ańǵarýǵa bolady.
Mine, joǵaryda atalǵan is-shara da quqyq qorǵaý qyzmetkerleriniń halyqqa bir qadam jaqyndaýynyń, olardyń pikirimen sanasýdyń jarqyn kórinisi bolsa kerek-ti. Eki kúnge sozylǵan atalmysh shara tańerteńgi 9:00-den keshki 19:00-ge deiin ótkizilip, jergilikti turǵyndar tarapynan qoiylǵan suraqtarǵa politsiia bóliminiń qyzmetkerleri mardymdy jaýaptar qaiyrdy.
Jambyl oblysy
Shý aýdany
