Quqyq qorǵaýshylar Dýshanbeni saiasi bosqyndary bosatýǵa shaqyrdy
17 aqpan kúni Radio Ozodi tanysqan 12 bettik birlesken baiandamada quqyq qorǵaýshylar Tájikstannyń islamdyq órkendeý partiiasynyń jáne «24 tobynyń» qyzmetine ruqsat etýdi talap etken. Respýblikanyń Joǵarǵy sotynyń sheshimimen, bul qoǵamdyq uiymdardyń qyzmetine el aýmaǵynda tyiym salynǵan.
HRW jáne NHC Tájikstandaǵy adam quqyqtaryna qatysty jaǵdai byltyrǵy jyldyń qyrkúieginde el biligi Ortalyq Aziiadaǵy jalǵyz islamdyq partiia qyzmetin zańsyz tanyǵaly beri kúrt nasharlap ketkenin aitady.
Túrkiia jáne Moldovadaǵy 30 tájik saiasi belsendisiniń sózderine súiengen baiandama avtorlary tájik biliginiń qarsylastaryn qamaýǵa alyp, azaptaitynyn málimdedi.
Mundai jaǵdai resmi Dýshanbeniń suraýymen Tájikstannan tysqary jerde ustalǵan taǵy onshaqty oppozitsionerdiń basyna túsýi múmkin. Tájik úkimeti Belarýs, Qyrǵyzstan, Qazaqstan, Moldova, Túrkiia jáne Reseiden sol elderde ustalǵan oppozitsionerlerdi ózine berýdi talap etýde.
Baiandamada sońǵy jyldary tájik biliginiń 20 shaqty qarsylasynyń ártúrli aiyppen 3 ten 29 jylǵa deiin sottalǵany jazylǵan. Tájikstannyń islamdyq órkendeý partiiasynyń 200-dei múshesi men belsendisi túrmede nemese úi qamaýynda otyr. Baiandama avtorlary olardyń jeteýi azaptaý kórgenderin aitqandaryn jetkizdi.
