Osyndai atpen Exclusive-te jaryq kórgen maqala DALA INSIDE-tyń nazaryn aýdardy. Zertteýde prezident keńesshisi Qýanyshbek Esekeevtiń Toqavtyń atynan berilgendei etip taratqan buiryqtarynyń zańdylyǵy men maqsattaryna kúmán keltiriledi. Maqalany yqshamdap usynǵandy jón kórdik...
2024 jylǵy 6 jeltoqsanda vitse-premer Serik Jumanǵarin tóraǵalyq etken keńeste taýarlardy markirovkalaý jáne olardyń qozǵalysyn baqylaý máseleleri qarastyrylady.
Bul jiynǵa memlekettik organdardyń ókilderi qatysqan, alaida tańbalaýǵa tikelei tartylǵan kásipkerler bul talqylaýdan tys qalǵan.
Araǵa úsh kún salyp «Atameken» UKP tóraǵasynyń orynbasary Timýr Jarkenov kásipkerlermen kezdesip, vitse-premer keńesinde talqylanǵan máselelerdi túsindirgen.
Osy kezde bir qyzyq jait anyqtalǵan: jinalǵandardyń eshbiri prezident Toqaevtyń taýarlardy tańbalaý týraly tapsyrmasy bar ekenin rastai almaǵan. 2020 jylǵy Eýraziialyq ekonomikalyq keńestegi baiandamasynan basqa, resmi qujat tabylmaǵan.
Tek Qýanyshbek Esekeevtiń qarasha aiynyń sońynda Toqaevtyń atyna jazǵan qyzmettik haty ǵana bolǵan.
«Qazaqtelekomnyń» eks-tóraǵasy, qazirgi Prezident keńesshisi óz usynysynda taýarlardy tańbalaý júiesin kúsheitýdi jáne ákimshilik jaýapkershilikti qatańdatýdy usynǵan...jáne Reseidiń tájiribesin alǵa tartqan.
Ol Reseidegi tájiribeni mysalǵa keltire otyryp, bul júie arqyly salyqtyq túsimderdiń artqanyn jáne kóleńkeli ekonomikanyń qysqarǵanyn dáleldegisi kelgen.
"Biraq bul derekter shynaiy nátijege sai kelmeidi. Reseide tańbalaý júiesi salyqtyq túsimdi arttyrǵannan góri, taýarlarǵa jalǵan tańbalardy jappai satýdyń jańa naryǵyn qalyptastyrdy. Reseidegi kásipkerler bul júiege qarsy petitsiialar uiymdastyryp, onyń biznesti kúiretetinin ashyq málimdedi", - dedi osy tusta jiynǵa qatysqan sarapshylar.
Budan bólek, Esekeevtiń qyzmettik jazbasynda "kassalyq alshaqtyq" týraly másele kóterilgen. Alaida, zańger Aina Qaidarovanyń aitýynsha, "kassalyq alshaqtyq" tek býhgalterlik esepte qoldanylatyn termin, onyń tańbalaý júiesimen bailanysy joq. Bul jerde másele naqty salyqtyq baqylaýdyń álsizdigi men keden qyzmetiniń jetkiliksiz jumysynda jatyr.
Sonymen qatar, Esekeev qyzmettik jazbasynda "keibir kásipkerler taýarlardy shikizat retinde deklaratsiialaý arqyly tańbalaýdan jaltarýda" degen pikir bildirgen.
"Biraq bul másele importtaýshylarǵa emes, keden qyzmetine baǵyttalýy tiis. Keibir derekterde tańbalaý júiesiniń shyǵyndary shaǵyn jáne orta biznes úshin aitarlyqtai aýyrtpalyq týǵyzatyny anyqtalǵan. Tańbalaý shyǵyndaryna bailanysty kóptegen kásipkerlerdiń biznesi toqtap qalý qaýpi bar", - deidi osy Exclusive.
Prezident Toqaev 2020 jyly Eýraziialyq ekonomikalyq keńeste taýarlardy tańbalaýǵa qatysty abai bolýǵa shaqyryp, bul úderistiń bizneske teris áserin eskertken edi. Soǵan qaramastan, tańbalaý mindetin belsendi túrde engizý jalǵasyp keledi. Bul sharanyń artynda kimderdiń paida kóretini jaily suraq týyndaidy.
Exclusive-tiń jazǵanyndai tańbalaý júiesiniń jalǵyz operatory retinde «Qazaqtelekom» kompaniiasy bekitilgen.
Kásipkerlerdiń aitýynsha, tańbalaý júiesiniń basty maqsaty kóleńkeli ekonomikany qysqartý emes, monopoliialyq qurylymdardyń múddesin qorǵaý. Bul júie arqyly túsken qarajat memleket emes, jeke kompaniialardyń shotyna aýyp jatyr.
Biznesmenderdiń pikirinshe, Prezidenttiń 2020 jylǵy eskertýleri men monopoliiany joiý týraly tapsyrmalaryn eskere otyryp, tańbalaý saiasaty qaita baǵalanýy kerek. Eń bastysy bul úderistiń artynda kimder paida kórip otyrǵanyn qoǵam ashyq bilýi tiis.
