Ulttyq qaýipsizdik komitetiniń burynǵy tóraǵasy Kárim Másimovtiń eks-orynbasry Dáýlet Erǵojin jańa qylmystyq is boiynsha kúdikke ilindi degen aqparat tarady, - dep habarlaidy Dalanews.kz.
Ulysmedia.kz derekterinshe, Kárim Másimovtiń burynǵy orynbasary qazaqstandyqtardyń qupiia derekteriniń qytailyq GitHub servisterine ótip ketýine bailanysty kúdikke ilinip otyr.
"Sol kezde Erǵojin ulttyq qaýipsizdik máselelerimen, sonyń ishinde kiberkeńistik qaýipsizdigimen ainalysqan. Ol arnaiy jabdyqtardy engizýdi qadaǵalaýǵa jaýapty bolǵan", - dep jazylǵan basylym málimetinde.
Basylym derekterine súiensek, jýyrda Qytaidyń qoǵamdyq qaýipsizdik ministrligimen yntymaqtasatyn iSoon qupiia qujattamanyń jariialanýyna jol bergeni belgili boldy. Faildar GitHub qyzmetinde ashyq qol jetimdi.
"QHR alynǵan derekterdi taldai jáne suryptai otyryp, internettegi jariialanymdardy baqylaý júiesi jasalǵan. Qytai biligi úshin qyzyǵýshylyq týdyratyn taqyryptardy talqylaýǵa múmkindik beretin H áleýmettik jelisindegi posttardy baqylaý platformasy qurylypty.
Aram piǵyldy pysyqailar kez kelgen aqparatty alý arqyly Android jáne iOS qurylǵylaryna shabýyl jasai alady dep boljanyp otyr. Qujattarda Beeline, Kcell jáne Tele2 siiaqty qazaqstandyq bailanys operatorlarynyń derekteri jariialanǵany týraly habarlanady. "Qazaqtelekom" jáne BJZQ da tizimde bar", - dep jazylǵan Ulysmedia.kz aqparatynda.
Al kúdikke ilinip otyrǵan Dáýlet Erǵojin 2016 jylǵy qarashadan bastap UQK tóraǵasynyń orynbasary qyzmetin atqarǵan bolatyn. Degenmen Qańtar oqiǵasynan keiin jumystan bosatyldy.
2023 jyly 24 sáýirde Astananyń qylmystyq ister jónindegi mamandandyrylǵan aýdanaralyq soty QR Ulttyq qaýipsizdik komitetiniń eks-tóraǵasy Kárim Másimovke, Ulttyq qaýipsizdik komiteti tóraǵasynyń eks-orynbasarlary Ánýar Sadyqulov, Dáýlet Erǵojin, Marat Osipovke qatysty qylmystyq is boiynsha úkim shyǵarǵan bolatyn.
Sot isti "Asa qupiia" degen belgimen qarady. Kárim Másimov QR Qylmystyq kodeksiniń 175-babynyń 1-bóligi, 179-babynyń 3-bóligi, 362-babynyń 4-bóliginiń 3-tarmaǵy boiynsha kináli dep tanylyp, 18 jyl bas bostandyǵynan airyldy. Sonymen qatar, memlekettik qyzmette ómir boiy qyzmet ete almaityny jáne múlki tárkilenetini aityldy. Kárim Másimov buǵan qosa general sheni men memlekettik nagradalarynan airyldy.
Al onyń orynbasary Dáýlet Erǵojin Qylmystyq kodekstiń 179-babynyń 3-bóligi, 362-babynyń 4-bóligi 3-tarmaǵy boiynsha kináli dep tanylyp, 15 jylǵa bas bostandyǵynan aiyryldy.
Keiin apelliatsiialyq saty K.Másimovke, A. Sadyqulovqa jáne D. Erǵojinge qatysty birinshi satydaǵy sot úkimin qaýipsizdigi eń joǵary mekemeden qaýipsizdigi ortasha mekemede jazasyn óteý boiynsha ózgertti.
