Almatyda buǵan deiin Qairat Satybaldyulyna tiesili bolǵan DoubleTree by Hilton qonaqúi kesheni satylymǵa shyǵaryldy. Nysannyń bastapqy baǵasy - 12,7 milliard teńge, dep habarlaidy dalanews.kz.
Elektron saýda saitynda Almatydaǵy DoubleTree by Hilton qonaqúi keshenin satý týraly jańa lot paida boldy. Nysandy Almaty qalasynyń memlekettik múlik jáne jekeshelendirý departamenti satylymǵa shyǵarǵan.
Lot sipattamasynda qonaqúi kesheniniń jalpy aýdany 16 196,4 sharshy metr ekeni jáne Dosmuhamedov kóshesi, 115 mekenjaiynda ornalasqany kórsetilgen.
Nysannyń bastapqy baǵasy - 12 759 410 000 teńge. Aýktsion baǵany kóterý ádisimen ótedi. Saýda-sattyq 25 qyrkúiekte bastalady.
Aita keteiik, buǵan deiin Qairat Satybaldyulymen bailanysty bolǵan Hilton qonaqúii tóńiregindegi daý qaita ýshyqqany habarlandy.
