Qarjy ministrligine qarasty Qaitarylǵan aktivterdi basqarý kompaniiasy memleketke qaitarylǵan qundy zattardy satylymǵa shyǵardy, dep habarlaidy Dalanews.kz.
Alaida kompaniia bul múlikterdiń kimnen jáne qandai jolmen tárkilengeni týraly naqty málimet bermeidi.
Ulysmedia málimetinshe, aýktsionda usynylǵan zattardyń arasynda baǵasy júzdegen million teńgege baǵalanatyn ekskliýzivti saǵattar, altyn saqinalar men syrǵalar bar. Sondai-aq, “Bata”, “Betashar”, “Súiindir” ataýly monetalary da saýdaǵa shyǵarylǵan, olardyń quny 150 myńnan 350 myń teńge aralyǵynda.
Eń qymbat lottardyń biri – Ulysse Nardin Classic 789-80 markaly qolsaǵat. Onyń bastapqy baǵasy 214 million teńge. Basqa saǵattardyń baǵasy da arzan emes. Máselen, Breguetmarkaly saǵattar 3,5 millionnan 15 million teńgege deiin saýdalanyp jatyr.
Áshekei buiymdar qatarynda “Jeneva” brendti syrǵa erekshe nazar aýdartady, onyń quny 2 million teńge.
Kompaniia málimetinshe, aýktsion 22 qańtarda ótedi. Mundai satylymdar arqyly biýdjetke qosymsha qarjy túsetini belgili.
