Prokýratýranyń úilestirýimen Almaty qalasynyń politsiia departamenti aiyptalýshy men onyń bóliske túsken 12 týystaryna qatysty asa iri kólemdegi alaiaqtyq faktisi boiynsha tergeýdi aiaqtady, dep habarlaidy Dalanews.kz.
Aiyptalýshy messendjerlerde hat-almasý chaty arqyly Qytaidyń, Ózbekstannyń jáne Reseidiń zaýyttarymen tikelei jumys isteitinin, sondyqtan onyń ydys-aiaq, jihaz jáne úige arnalǵan basqa da kerek-jaraqtar baǵasy tómen ekenin aitqan. Alaida is júzinde qylmystyq shemany jasyrý maqsatynda Almaty bazarlarynan ózi shyǵynǵa ushyrai otyryp taýar satyp alǵan.
Atalǵan shyǵyndardy qatysýshylar 6 aidan 12 aiǵa deiin kúttirte otyryp kóterme tapsyrystarmen ótegen.
Qatysýshylar qymbat avtokólikterdi, páterlerdi, úilerdi, jerlerdi, kiimderdi, saiahattardy satyp alýǵa, sondai-aq býkmekerlik keńselerde aqsha tigýge qarajat jumsaǵan.
Tergeý barysynda 34 avtokólik, 2 páter, 1 penthaýs, jer ýchaskesi bar 2 turǵyn úige tyiym salyndy.
Elimiz boiynsha Almatydan bastap Saran qalasyna deiin 4,6 mlrd teńge somasyna 290 adam qylmystyń qurbany bolyp tanyldy.
Prokýratýra qylmystyq isti sotqa joldady.
QR QK-niń 190-baby 4-bóliginiń 2)tarmaǵy (asa iri mólsherdegi alaiaqtyq) boiynsha qylmystyq jaýaptylyq 10 jylǵa deiin bas bostandyǵynan aiyrýdy kózdeidi.
