Qasym-Jomart Toqaev pen Shavkat Mirziioev video bailanys arqyly Qazaqstan men Ózbekstannyń birlesken jobalaryn iske qosý rásimine qatysty. Bul týraly Aqordanyń baspasóz qyzmeti málimdedi, dep habarlaidy Dalanews.kz.
Taraptar ónerkásip, qurylys, munai-gaz himiiasy, qarjy, logistika jáne týrizm salalarynda jalpy quny 1,2 milliard dollar bolatyn 7 joba ázirlegen.
Memleketter basshylary simvolikalyq túimeni basyp, birneshe jobany bastap berdi.
Atap aitqanda, Syrdariia jáne Túrkistan oblystarynda «Ortalyq Aziia» Halyqaralyq ónerkásip kooperatsiiasy ortalyǵy, Tashkentte «Tenge Bank» bas keńsesi qyzmetine kiristi. Sondai-aq Tashkent oblysynda kópbeiindi logistika ortalyǵynyń, Jańa Tashkentte «Astana» turǵyn úi oramynyń, Qashqadariia oblysynda alkilbenzol óndiretin munai-gaz himiiasy kesheniniń, Jańa Tashkentte «Astana» qonaq úiiniń, al elordamyzda «Tashkent» qonaq úiiniń qurylysy bastaldy.
