Atyraý oblysy Jylyoi aýdany Qulsary qalasynda 3 myńǵa jýyq úi sý astynda qaldy, - dep habarlaidy Dalanews.kz.
Aldyn ala boljam boiynsha, Qulsary qalasynda 2810 turǵyn úi sý astynda qaldy. Bul Qazaqstannyń Tótenshe jaǵdailar ministrligi keltirgen derek.
Sý tasqynyń saldaryn joiýǵa 231 birlik tehnika, 1198 jeke quram, 18 birlik júzý quraldary, 19 birlik motopompa jumyldyryldy.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15 bala. 248 mal basy jáne 27 úi janýarlary qaýipsiz oryndarǵa kóshirildi.
Qulsaryda 3 myńǵa jýyq úi sý astynda qaldy
Foto: Massaget.kz / Nurzhan Rysbekov
