bes.media málimetinshe, Almaty soty ál-Farabi atyndaǵy Qazaq ulttyq ýniversitetiniń jer ýchaskesi týraly daýda qalanyń Jer resýrstaryn basqarý departamentiniń talabyn qoldady. Sot ýniversitettiń birneshe aýmaǵyna qatysty sheshim shyǵardy.
Almaty qalasynyń Jer resýrstaryn basqarý departamenti mynadai talaptar qoidy:
- Almaty ákimdiginiń 2020 jylǵy 5 naýryzdaǵy №№ 1/1-163; 2020 jylǵy 8 shildedegi 3/226-353, 2021 jylǵy 28 qazandaǵy 4/494-950 qaýlylaryn jaramsyz dep taný.
- Jer ýchaskelerine quqyqtyq kadastrdyń tirkeý paraǵyndaǵy jazbanyń kúshin joiý.
Jaýapkerler: Almaty ákimi apparaty; qalanyń jer qatynastary basqarmasy; "Omirex" JShS; "Atlas Development" JShS; Ál-Farabi atyndaǵy Qazaq ulttyq ýniversiteti. Al "Atlas Development" JShS jáne "Omirex" JShS quryltaishysy – Qazaqstannyń eks-prezidentiniń kúieý balasy, milliarder Timýr Qulybaev.
Sot talapkerdiń Almaty ákimdiginiń qaýlylaryn jaramsyz dep taný jáne quqyqtyq kadastrdaǵy tiisti jazbalardyń kúshin joiý týraly talabyn qanaǵattandyrdy.
Ákimdik ókilderi sotta daýly qaýlylar jer komissiiasynyń sheshimine sáikes shyǵarylǵanyn aityp, talap-aryzben kelispedi. "Atlas Development" JShS ókili sottan talap qoiý merzimi men jer ýchaskelerin bólý zańdy bolǵanyn aityp, is júrgizýdi toqtatýdy surady. QazUÝ ókili talap-aryzben kelisti. Prokýror talap-aryzdy tolyq kólemde qanaǵattandyrýdy surady.
Bul jerler Almaty ákimi Baýyrjan Baibek bolyp turǵan (2015 jyldan 2019 jylǵa deiin qala basshysy bolǵan) kezeńde berilgen. Sol kezde ál-Farabi atyndaǵy QazUÝ-dyń jeri ákimdik qaýlysymen "Omirex" JShS menshigine ótip ketken.
https://dalanews.kz/del-qazir/98259-bildey-deputattar-tarikh-pen-matemati
