Oblystyq sot tóraǵasy Muratǵali Áketaidyń ersi qylyqtaryn jipke tizip, shaǵymdaryn Elordadaǵy Jaqyp Asanovqa joldaǵan, dep habarlaidy KTK arnasy.
Joǵarǵy sot tóraǵasyna jetken aryzǵa qos birdei alqa basshylary men oblystyq sottyń jeti sýdiasy qol qoiypty. Onda Muratǵali Áketaidyń qaramaǵyndaǵylardy balaǵattap, aýyzyna kelgenin aitatyny jazylǵan.
Tipti,
tóraǵa aqtóbelik áielderdi jezókshege teńeidi delingen.
Sondai-aq, Muratǵali Áketai joǵarǵy laýazymdy tanystaryn atap, qaramaǵyndaǵy sýdialarǵa ses kórsetip qana qoimai, qorqytyp-úrkitetin kórinedi. Jinalysta áýletiniń bailyǵynyń jetip artylatynyn aitýdy da umytpaidy eken.
Aita ketelik, Aqtóbe oblystyq sotynyń tóraǵasy Muratǵali Áketaidyń týǵan aǵasy – «Nur-Otan» partiiasynyń birinshi orynbasary qyzmetin atqarǵan senator Muhtar Qul-Muhammed.
Qazir aryzǵa qatysty jazǵan sýdialar da, sot tóraǵasy da málimdeme jasaýdan bas tartyp otyr. Al Joǵarǵy sottaǵylar osy shaǵymǵa bailanysty tekserýdi bastap ketken.
«Aqtóbe oblystyq sotynyń birqatar sýdialarynyń Joǵarǵy Sot tóraǵasyna joldaǵan aryzy áleýmettik jeli arqyly taralyp ketti. Qazirgi kúni bul máseleni Joǵarǵy sotta tekserip jatyrmyz», – deidi QR Joǵarǵy sotynyń baspasóz hatshysy Bolat Kalianbekov.
