وبلىستىق سوت ءتوراعاسى مۇراتعالي اكەتايدىڭ ەرسى قىلىقتارىن جىپكە ءتىزىپ، شاعىمدارىن ەلورداداعى جاقىپ اسانوۆقا جولداعان، دەپ حابارلايدى كتك ارناسى.
جوعارعى سوت ءتوراعاسىنا جەتكەن ارىزعا قوس بىردەي القا باسشىلارى مەن وبلىستىق سوتتىڭ جەتى سۋدياسى قول قويىپتى. وندا مۇراتعالي اكەتايدىڭ قاراماعىنداعىلاردى بالاعاتتاپ، اۋىزىنا كەلگەنىن ايتاتىنى جازىلعان.
ءتىپتى،
ءتوراعا اقتوبەلىك ايەلدەردى جەزوكشەگە تەڭەيدى دەلىنگەن.
سونداي-اق، مۇراتعالي اكەتاي جوعارعى لاۋازىمدى تانىستارىن اتاپ، قاراماعىنداعى سۋديالارعا سەس كورسەتىپ قانا قويماي، قورقىتىپ-ۇركىتەتىن كورىنەدى. جينالىستا اۋلەتىنىڭ بايلىعىنىڭ جەتىپ ارتىلاتىنىن ايتۋدى دا ۇمىتپايدى ەكەن.
ايتا كەتەلىك، اقتوبە وبلىستىق سوتىنىڭ ءتوراعاسى مۇراتعالي اكەتايدىڭ تۋعان اعاسى – «نۇر-وتان» پارتياسىنىڭ ءبىرىنشى ورىنباسارى قىزمەتىن اتقارعان سەناتور مۇحتار قۇل-مۇحاممەد.
ءقازىر ارىزعا قاتىستى جازعان سۋديالار دا، سوت ءتوراعاسى دا مالىمدەمە جاساۋدان باس تارتىپ وتىر. ال جوعارعى سوتتاعىلار وسى شاعىمعا بايلانىستى تەكسەرۋدى باستاپ كەتكەن.
«اقتوبە وبلىستىق سوتىنىڭ ءبىرقاتار سۋديالارىنىڭ جوعارعى سوت ءتوراعاسىنا جولداعان ارىزى الەۋمەتتىك جەلى ارقىلى تارالىپ كەتتى. قازىرگى كۇنى بۇل ماسەلەنى جوعارعى سوتتا تەكسەرىپ جاتىرمىز»، – دەيدى ق ر جوعارعى سوتىنىڭ باسپا ءسوز حاتشىسى بولات كاليانبەكوۆ.
