Úleskerler daýyna núkte qoiatyn kez keldi. Ónerkásip jáne qurylys ministri Qanat Sharlapaev esh qujatsyz qurylys basynda ońdy-soldy júrgen kompaniialarmen kúres bastalǵanyn málimdedi, - dep habarlaidy Dalanews.kz "KTK" arnasyna siltep.
"Naryqta alaiaq óte kóp. Buny bárimiz moiyndaýymyz kerek. Qazir tiisti zań jobasyna túzetýler engizdik. Qarapaiym halyqqa aitarym: Qazaqstan turǵyn-úi kompaniiasy kepildik bergen qurylys kompaniialarynyń kómegine júgingen jón. Tek sol tizimde bar kompaniiadan úi alý kerek", - dedi ol.
Jaýapty sala basshysy aqysyn tólegen baspanasyna ai emes, jyldap jete almai júrgen qazaqstandyqtarǵa quzyrly organǵa birden shaǵymdanýǵa keńes berdi. Sebebi zań qarapaiym azamattar jaǵynda.
Al sot pen prokýratýra selqos bolsa, ministr «jeke qabyldaýyma jazylyp, bazynańyzdy ózime aityńyz» dedi. Degenmen saqtyqta qorlyq joq. Sondyqtan vedomstvo basshysynyń aitýynsha, qandai da bir qurylysqa qarajat quimastan buryn kompaniianyń tarihyna úńilip, bir sát buǵan deiingi úi sapasyn zerttegeni jón.
Aita keteiik, úleskerler máselesi Astana men Almatyda bes jyldan beri órship tur.
