Qýyrshaq teatrynyń ártisi kitaphanda kezdesý ótkizdi
Shara barysynda qonaǵymyzǵa túrli suraqtar qoiylyp, syrly áńgime órbip, áýezdi án de shyrqaldy. Sonymen qatar Gaýhar hanym ózimen birge birneshe qýyrshaqtardy da ala kelgen eken, sol qýyrshaqtardyń biin tamashaladyq, shara instagram jelisinde tikelei efirde ótkendikten insta oqyrmandarymyzdan kóptegen suraqtar qoiylyp jaýap berildi.
«Alaqai» qýyrshaq teatrynyń qyzmetkerleri qala mádenietiniń aqsamaýyna, el mádenietiniń órkendeýine ózindik úles qosyp júrgenine kýá jeńisti kúnder kúntizbesi bar. Ujym músheleriniń jyl on eki ai atqarǵan tynymsyz eńbekteri baǵalanyp ta júr. Osyndai ujymnyń ishinde kúlim kózdi, qońyr úndi, jyly júzdi Gaýhar Oralbaiqyzy eńbek etýde. Ónerimen, erekshe sóz mánerimen, mádenietimen ózgeden oq boiy ozyq turǵan óner jáne mádeniet qyzmetkerleri kúni qarsańynda Gaýhar Oralbaiqyzynyń ónerimen oqyrmandy tanystyrýdy jón kórdik.
«Alaqai» qýyrshaq teatrynyń repertýarynda qazaq halqynyń "Ur, toqpaq!" ertegisi, "Dala ańyzy, ýa, Aldar!", "Qoiannyń qýlyǵy" álemge áigili dat ertegishisi Hristian Gans Andersenniń "Usqynsyz úirek", "Sý perizaty" siiaqty t.b. qoiylymdary eki tilde turaqty túrde sahnalanyp júr. Osyndai qoiylymdardyń ishinde Gaýhar Oralbaiqyzy somdaǵan rólderge toqtalsam «Aspandap ushqan aq tyrna» spektaklinde Gaýhar Oralbaiqyzy tym názik, sezimtal arý beinesine ený arqyly kórermenin bir ádemi áserge bóleidi, «Tizginin bosat ta, qustai samǵa!» spektaklinde Ana rólinde «Ái-ái bópem» ánin júrekke jetkize aitqanda jaǵymdy qońyr daýsymen jandy baýrap alady, al «Jarqyn qala» spektaklinde basty ról Teńiz raýshanyn somdap ádemi daýysymen, ásem kelbetimen qoiylymnyń mánin arttyra tústi. Sonymen qatar Gaýhar Oralbaiqyzynyń somdaǵan túrli haiýanattar spektaklindegi qoian, jeztyrnaq, eshki t.b. obrazdary kópshilik kórermenniń yqylasyna bólenip júr.
Jalpy mádeniet dese birden kontsert ótetin ortalyq eske túsedi. Al bul salaǵa birneshe mádeni oryndar kiretinin qarapaiym halyq bile bermeidi. Osy sebepten sóz oraiy kelgende mádeniet salasyn tanystyryp óteiin. Mádeniet salasyna bizdiń Aqtóbe qalasynan T.Ahtanov teatry, «Alaqai» qýyrshaq teatry, óner ortalyǵy, filarmoniia, mýzei, kitaphana, arhiv jatady. Osy sala mamandary túrli mádeni sharalar ótkizip qalanyń mádenietiniń damýyna úles qosýda. Teatrlar qoiylymdarymen, filarmoniialar kontserterimen, kitaphana kitaptarymen, mýzei qundy jádigerlerimen erekshe.
Atalǵan mádeni ortalyqtarda qoiylyp júrgen túrli spektaklderdiń artynda qanshama adamnyń eńbegi jatatyny belgili. Ásem bezendirilgen sahnada, jarqyraǵan shamdardyń astynda sahnalyq qoiylymdar qoiý bir qaraǵanda ońai jumys bolyp kóringenimen, onda qanshama adamnyń qajyr qairaty, mańdai teri, ynta jigeri, qoltańbasy bar deseńizshi! Ónerpazdardyń sahnalyq kostiýmderi men óneri úilesim taýyp, halyqtyń kóńilinen shyǵýda, etken eńbek aqtalyp, abyroilary artpasa, azaiǵan emes. Kópshiliktiń yqylasyna bólenip, qoshemetke ie bolǵannan artyq baqyt bar ma?!
«Salem,salem ul-qyzdar! Bir-bir janǵan juldyzdar» degen uranmen jumysyna kelip kishkene baladan úlken kisige deiin kóńilderin kóterip júretin Gaýhar Oralbaiqyzyna jáne teatr ujymyna tolaǵai tabys pen taýsylmas shabyt jáne alar asýlaryńyz kóp bolsyn dep tilek aitamyz.
Gúlnur Ihsangalieva, Saǵi Jienbaev atyndaǵy oblystyq jasóspirimder kitaphanasynyń kitaphanashysy.
Aqtóbe qalasy.
