Qazaqstanda qýańshylyqqa bailanysty nan baǵasy qymbattamaidy. Bul týraly Aýyl sharýashylyǵy vitse-ministri Azat Sultanov málimdedi, dep habarlaidy dalanews.kz.
Onyń aitýynsha, áleýmettik mańyzy bar nan men kókónis ónimderiniń baǵasy memleket baqylaýynda bolady.
Vitse-ministr egin ónimdiligine qatysty kózqaras ártúrli ekenin atap ótti. Memleket úshin mol ónim jinalýy mańyzdy bolsa, sharýalar úshin keide qýańshylyq bolyp, ónim az shyqqan jyl tiimdi bolýy múmkin. Sebebi naryqtaǵy tapshylyq saldarynan ónimdi joǵary baǵamen satýǵa múmkindik týady.
Soǵan qaramastan Azat Sultanov shikizat naryǵyndaǵy baǵa qubylýy qazaqstandyqtardyń qaltasyna salmaq salmaitynyn aitty.
«Tórt jyl buryn astyqtyń bir tonnasy 180 myń teńge bolǵan kezde de, búginde shamamen 90 myń teńgege túsken kezde de áleýmettik nannyń dúkendegi baǵasy 110 teńge deńgeiinde saqtalyp otyr. Memlekette bul baǵany ustap turýǵa qajetti barlyq tetik bar. Sondyqtan nan tapshy bolady nemese baǵasy kúrt ósedi dep alańdaýǵa ázirge negiz joq. Dúrbeleńge berilýdiń qajeti joq», – dedi vitse-ministr.
