Áieli Saltanat Núkenovany óltirdi dep aiyptalyp, 24 jylǵa sottalǵan eks-ministr Qýandyq Bishimbaevtyń otbasynyń advokaty Erlan Ǵazymjanov 100 million alyp, úkimdi "jeńildetpek" bolǵan áiel kim ekenin aitty, - dep habarlaidy Dalanews.kz.
Advokat ZTB portalyna bergen suhbatynda áiel adam advokattar men Bishimbaevtyń otbasyna kóp jazǵanyn aitady.
"Ony buǵattap tastasaq ta ol onyń artynda "mańyzdy adamdar" tirep turǵanyn aitatyn. Ata-anasynyń úiin taýyp alyp, balasymen kelip, sóileskisi keldi. Kelgen kezde belgili bir somada aqsha bersek úkimdi jeńildetip bere alatynyn aitty. Biz birden antikorǵa habarladyq", - deidi Ǵazymjanov.
Advokattyń sózinshe, osylaisha Bishimbaevtyń otbasy men antikor birigip, áiel adamdy ustaǵan. Ol aqshany alyp jatqan kezinde ustalǵan.
"Ol áiel ustaldy, qazir qamaýda otyr. Áiel adam mýliaj aqshalardy alyp jatqan kezinde ustaldy. Bishimbaevtyń ata-anasynda 100 million teńge joq", - deidi Erlan Ǵazymjanov.
Eske salaiyq, buǵan deiin Bishimbaevtyń úkimin jeńildetip beremin dep, 100 mln teńge jymqyrǵan turǵyn ustalǵan bolatyn. Sybailas jemqorlyqqa qarsy qyzmet Bishimbaevtyń týystarynyń ótinishi boiynsha elorda turǵyny «G»-ǵa qatysty sotqa deiingi tergeý júrgizýde.
Ol asa iri mólsherde alaiaqtyqqa oqtalǵany, iaǵni Q. Bishimbaevtyń úkimin jeńildetý syltaýymen aldaý arqyly 100 mln teńgeni iemdený boiynsha kúdikti. Sonymen qatar, kúdiktiniń is-áreketi asa iri mólsherde para berýge itermeleý boiynsha saralandy.
Onyń qylmystyq áreketiniń basqa epizodtary tekserilýde.Kúdikti sottyń sanktsiiasymen qamaýǵa alyndy.
Tergeý jalǵasýda.
