ەيەلٸ سالتانات نٷكەنوۆانى ٶلتٸردٸ دەپ ايىپتالىپ, 24 جىلعا سوتتالعان ەكس-مينيستر قۋاندىق بيشٸمباەۆتىڭ وتباسىنىڭ ادۆوكاتى ەرلان عازىمجانوۆ 100 ميلليون الىپ, ٷكٸمدٸ "جەڭٸلدەتپەك" بولعان ەيەل كٸم ەكەنٸن ايتتى, - دەپ حابارلايدى Dalanews.kz.
ادۆوكات ZTB پورتالىنا بەرگەن سۇحباتىندا ەيەل ادام ادۆوكاتتار مەن بيشٸمباەۆتىڭ وتباسىنا كٶپ جازعانىن ايتادى.
"ونى بۇعاتتاپ تاستاساق تا ول ونىڭ ارتىندا "ماڭىزدى ادامدار" تٸرەپ تۇرعانىن ايتاتىن. اتا-اناسىنىڭ ٷيٸن تاۋىپ الىپ, بالاسىمەن كەلٸپ, سٶيلەسكٸسٸ كەلدٸ. كەلگەن كەزدە بەلگٸلٸ بٸر سومادا اقشا بەرسەك ٷكٸمدٸ جەڭٸلدەتٸپ بەرە الاتىنىن ايتتى. بٸز بٸردەن انتيكورعا حابارلادىق", - دەيدٸ عازىمجانوۆ.
ادۆوكاتتىڭ سٶزٸنشە, وسىلايشا بيشٸمباەۆتىڭ وتباسى مەن انتيكور بٸرٸگٸپ, ەيەل ادامدى ۇستاعان. ول اقشانى الىپ جاتقان كەزٸندە ۇستالعان.
"ول ەيەل ۇستالدى, قازٸر قاماۋدا وتىر. ەيەل ادام مۋلياج اقشالاردى الىپ جاتقان كەزٸندە ۇستالدى. بيشٸمباەۆتىڭ اتا-اناسىندا 100 ميلليون تەڭگە جوق", - دەيدٸ ەرلان عازىمجانوۆ.
ەسكە سالايىق, بۇعان دەيٸن بيشٸمباەۆتىڭ ٷكٸمٸن جەڭٸلدەتٸپ بەرەمٸن دەپ, 100 ملن تەڭگە جىمقىرعان تۇرعىن ۇستالعان بولاتىن. سىبايلاس جەمقورلىققا قارسى قىزمەت بيشٸمباەۆتىڭ تۋىستارىنىڭ ٶتٸنٸشٸ بويىنشا ەلوردا تۇرعىنى «گ»-عا قاتىستى سوتقا دەيٸنگٸ تەرگەۋ جٷرگٸزۋدە.
ول اسا ٸرٸ مٶلشەردە الاياقتىققا وقتالعانى, ياعني ق. بيشٸمباەۆتىڭ ٷكٸمٸن جەڭٸلدەتۋ سىلتاۋىمەن الداۋ ارقىلى 100 ملن تەڭگەنٸ يەمدەنۋ بويىنشا كٷدٸكتٸ. سونىمەن قاتار, كٷدٸكتٸنٸڭ ٸس-ەرەكەتٸ اسا ٸرٸ مٶلشەردە پارا بەرۋگە يتەرمەلەۋ بويىنشا سارالاندى.
ونىڭ قىلمىستىق ەرەكەتٸنٸڭ باسقا ەپيزودتارى تەكسەرٸلۋدە.كٷدٸكتٸ سوتتىڭ سانكتسيياسىمەن قاماۋعا الىندى.
تەرگەۋ جالعاسۋدا.
