Bas prokýrordyń orynbasary Áset Shyndaliev Qýandyq Bishimbaevtyń raqymshylyqqa ilinýine qatysty suraqqa jaýap berdi, dep habarlaidy Dalanews.kz.
"Qýandyq Bishimbaev raqymshylyqqa ilinbeidi. Raqymshylyqqa, mysaly, jol apatyna kináli adamdar ilinýi múmkin. Biraq depýtattar qylmystyń qandai túri bolmasyn eger adam ólimi bolsa raqymshylyqqa ilinbeýi keregin aitty", - deidi Shyndaliev.
Eske salaiyq, buǵan deiin azamattyq nekedegi áieli Saltanat Núkenovany óltrdi dep aiyptalǵan Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin de QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
Al 12 qarashada apelliatsiialyq alqa Qýandyq Bishimbaevty ata-ana quqyǵynan aiyrý týraly shaǵymmen onyń burynǵy áieliniń talap aryzyn qarady.
Sot málimetinshe, eks-ministr balalarynyń tegin ózgertýine qarsy bolmady, alaida ony ata-ana quqyǵynan aiyrmady.
