– Ózbekstandaǵy sý qoimasyndaǵy apattan zardap shegip, baspanasynan aiyrylǵan Túrkistan oblysynyń turǵyndaryna Úkimet myńǵa jýyq baspana turǵyzý isine kirisip ketti, – dep jazdy Memleket basshysy óziniń Twitter áleýmettik jelisindegi paraqshasynda.
6 mamyr kúni sý tasqynynyń zardabyn joiý boiynsha qurylǵan Úkimettik komissiianyń tóraǵasy, Premer-ministrdiń orynbasary Roman Skliar Maqtaaral aýdanany kelip, sý tasqynynan zardap shekken aýyl turǵyndarymen kezdesken bolatyn.
Túrkistan oblysy basshysynyń bastamasy boiynsha memkoissiia qyzyl sýdyń astynda qalǵan aýyl turǵyndarynyń árqaiysyna 100 myń teńge kóleminde kómek kórsetý týrasynda sheshim qabyldady.
Óz kezeginde Roman Skliar Myrzakent eldimekeniniń janynan jańa móltek aýdany salynyp, sý tasqynynan zardap shekken Dostyq, Jańaturmys jáne Jeńis aýylynyń turǵyndary qonystanatynyn alǵa tartty. Jańa turǵyn úiler boi kóteretin aýmaqqa qajetti kommýnikatsiialar tartylyp, balabaqsha men mektep salynady.
Memkomissiia tasqyn sýdan biraz zardap shekken Órgebas jáne Ferdoýsi aýylynyń turǵyndaryna turǵyn úi máselesin sheshýge qatysty úsh usynys aitty. Atalǵan aýyl turǵyndaryna birinshi kezekte basqa aýyldarǵa kóship, sol jerde jańa baspana salyp berý, ekinshi – turǵyn úilerin qalypqa keltirý, úshinshi memleket turǵyn úilerdi qalypqa keltirýge ketetin ótemaqyny tólep berýdi usynydy. Aýyl turǵyndary osy úsh usynystyń bireýin qabyldaýy kerek.
