Q.Toqaev jaiynda ne bilesiz?
Memleket jáne qoǵam qairatkeri hám Qazaqstan Respýblikasy Prezidentiniń mindetin ýaqytsha atqarýshy Qasym-Jomart Toqaevtyń ómirbaianyn Sputnik saity tápsirlei kele, onyń biraz qyryna toqtaldyp. Tipti, ony «Tvitterdiń» belsendisi dep sipattapty.
Qasym-Jomart Kemeluly Toqaev – Qazaqstannyń memleket jáne qoǵam qairatkeri, saiasi ǵylymdar doktory. 1953 jyly 17 mamyrda Almatyda týǵan.
Ákesi Kemel Toqaev (1923-1986) Uly Otan soǵysynyń ardageri, belgili qazaq jazýshysy bolǵan. Anasy Turar Shabarbaeva (1931-2000) Almaty shet tilder pedagogikalyq institýtynda jumys istegen.
1992 jyly Qasym-Jomart Toqaev QR Syrtqy ister ministriniń orynbasary bolyp taǵaiyndaldy. 1993 jyly syrtqy ister ministriniń birinshi orynbasary, 1994 jyly syrtqy saiasi vedomstvonyń basshysy boldy. Toqaev syrtqy ister ministrligin bes jyl basqardy.
1999 jyldyń naýryzynda premer-ministrdiń orynbasary bolyp taǵaiyndaldy. Al 1999-2002 jyldary Qazaqstan úkimetin basqarǵan. 2002 jyldyń qańtarynda otstavkaǵa ótinish berdi, keiin Memlekettik hatshy – Syrtqy ister ministri bolyp taǵaiyndaldy.
Toqaev bas-aiaǵy on jyl Qazaqstannyń syrtqy ister ministri boldy (1994 – 1999, 2002 – 2007). Syrtqy saiasi vedomstvonyń basshysy retinde iadrolyq qarýdy taratpaý isine belsene atsalysty. Burynǵy diplomattar Toqaevty "el diplomattarynyń jetekshisi, halyqaralyq diplomatiiada salmaǵy bar tulǵa" dep baǵalaidy.
2007-2011 jyldar aralyǵynda QR Parlamenti senatynyń tóraǵasy qyzmetin atqardy.
2011 jyldyń naýryzynda Toqaev BUU bas hatshysynyń orynbasary, BUU-nyń Jenevadaǵy bólimshesiniń bas direktory, sondai-aq Qarýsyzdandyrý jónindegi konferentsiianyń bas hatshysy bolyp taǵaiyndaldy.
2013 jyldyń 16 qazanynan beri – Parlament senatynyń tóraǵasy.
Qazaq, orys, aǵylshyn, qytai jáne frantsýz tilderin biledi.
Súiikti isi
Belgili saiasatkerdiń hobbii – kitap oqý. Memýarlyq, tarihi jáne kórkem ádebietterdi súiip oqidy.
Buǵan qosa, ózi de toǵyz kitap pen halyqaralyq qatynas máseleleri týraly kóptegen maqalanyń avtory.
"Tvitter" belsendisi
Belgili saiasatker "Tvitter" áleýmettik jelisin belsendi qoldanatyndardyń qatarynan.
Eldegi jáne álemdegi mańyzdy oqiǵalarǵa qatysty pikirin jelide únemi bildirip otyrady. Jýyrda oqýshylarǵa birinshi synyptan bastap aǵylshyn tilin oqytýdyń qajeti shamaly ekenin, eń áýeli, qazaq jáne orys tilderine den qoiý kerek ekenin jazǵan bolatyn.
Sondai-aq, taiaýda Qasym-Jomart Toqaev VVS-ge bergen suqbatynda Nursultan Nazarbaev 2020 jyly prezident sailaýyna qatysatynyna senbeitinin ashyq aitqan edi. Senat spikeriniń jeke pikiri qazaqstandyq BAQ betterinde qyzý talqylandy.
Qasym-Jomart Toqaevtyń otbasy
Úilengen, balasy Timýr Toqaev 1984 jyly Máskeýde týǵan, Shveitsariiadaǵy "Kollej diý Leman" jáne Vebster ýniversitetinde bilim alǵan. Saiasi ǵylymdar kandidaty. Jary Nadejda Toqaeva 1957 jyly týǵan, Máskeý tarih-muraǵat institýtynyń túlegi.
