3 shildede Talǵat Aldybergenov «Qazaqstan temir joly» ulttyq kompaniiasynyń basshysy bolyp taǵaiyndaldy. Aldybergenovtiń biznes imperiiasy týraly Dalanews.kz tilshisi materialynda.
Jalpy, onyń eńbek joly tolyq derlik memlekettik nemese kvazimemlekettik qyzmetpen bailanysty. Alaida, onyń jeke kásibi de bar.
Orda.kz málimetinshe, Aldybergenov - jyljymaityn múlikti jalǵa berý jáne basqarýmen ainalysatyn «AstanaTransEkspress» JShS-niń quryltaishysy. Bul kompaniia naryqta 20 jyldan beri jumys isteidi. Al sońǵy 10 jyl ishinde 150 mln teńge salyq tólegen. Alaida Aldybergenov bul kompaniianyń teń quryltaishysy bolmaǵan, ol onyń quryltaishysy retinde tek 2020 jyly tirkelgen.
2025 jylǵy qańtarǵa deiin bul kompaniia «Kaspii» taýar birjasynyń úlesine ielik etken. «AstanaTransEkspress» aktsionerler qatarynan shyqqannan keiin, kompaniia qurylymynda Aldybergenovtiń jarynyń ápkesi Aigúl Matjanova qalǵan.
Aldybergenovtiń jary Elmira Qolǵanatqyzy, Arasha.kz basylymynyń málimetinshe, birneshe tabysty kompaniiaǵa ielik etedi. Buǵan deiin onyń menshiginde Porto Com kompaniiasy bolǵan, bul firma 2022 jyly rekordtyq 922 mln teńge tabys kórsetken.
Keiin bul kompaniianyń iesi onyń basqa ápkesi — Ainur Shamshedenova bolǵan.
Budan bólek, Elmira kelesi kompaniialarǵa ielik etedi:
▪️ «Berkýt Logistik» (jyldyq tabys — 81 mln teńgege deiin);
▪️ «Igilik — RD» (jyldyq tabys — 224 mln teńgege deiin).
Otbasy jalpy alǵanda iri ainalymy bar biznes-imperiiany baqylap otyr, al týystyq bailanystar memlekettik tapsyrystarmen, logistikamen jáne tipti Nazarbaev dáýirindegi keibir tulǵalarmen de astasyp jatyr.
