3 شىلدەدە تالعات الدىبەرگەنوۆ «قازاقستان تەمىر جولى» ۇلتتىق كومپانياسىنىڭ باسشىسى بولىپ تاعايىندالدى. الدىبەرگەنوۆتىڭ بيزنەس يمپەرياسى تۋرالى Dalanews.kz ءتىلشىسى ماتەريالىندا. 

جالپى، ونىڭ ەڭبەك جولى تولىق دەرلىك مەملەكەتتىك نەمەسە كۆازيمەملەكەتتىك قىزمەتپەن بايلانىستى. الايدا، ونىڭ جەكە كاسىبى دە بار.

Orda.kz مالىمەتىنشە، الدىبەرگەنوۆ - جىلجىمايتىن مۇلىكتى جالعا بەرۋ جانە باسقارۋمەن اينالىساتىن «استاناترانسەكسپرەسس» ءجشس-نىڭ قۇرىلتايشىسى. بۇل كومپانيا نارىقتا 20 جىلدان بەرى جۇمىس ىستەيدى. ال سوڭعى 10 جىل ىشىندە 150 ملن تەڭگە سالىق تولەگەن. الايدا الدىبەرگەنوۆ بۇل كومپانيانىڭ تەڭ قۇرىلتايشىسى بولماعان، ول ونىڭ قۇرىلتايشىسى رەتىندە تەك 2020 جىلى تىركەلگەن.

2025 جىلعى قاڭتارعا دەيىن بۇل كومپانيا «كاسپيي» تاۋار بيرجاسىنىڭ ۇلەسىنە يەلىك ەتكەن. «استاناترانسەكسپرەسس» اكسيونەرلەر قاتارىنان شىققاننان كەيىن، كومپانيا قۇرىلىمىندا الدىبەرگەنوۆتىڭ جارىنىڭ اپكەسى ايگۇل ماتجانوۆا قالعان.

الدىبەرگەنوۆتىڭ جارى ەلميرا قولعانات قىزى، Arasha.kz باسىلىمىنىڭ مالىمەتىنشە، بىرنەشە تابىستى كومپانياعا يەلىك ەتەدى. بۇعان دەيىن ونىڭ مەنشىگىندە Porto Com كومپانياسى بولعان، بۇل فيرما 2022 جىلى رەكوردتىق 922 ملن تەڭگە تابىس كورسەتكەن.

كەيىن بۇل كومپانيانىڭ يەسى ونىڭ باسقا اپكەسى — اينۇر شامشەدەنوۆا بولعان.

بۇدان بولەك، ەلميرا كەلەسى كومپانيالارعا يەلىك ەتەدى:

▪️ «بەركۋت لوگيستيك» (جىلدىق تابىس — 81 ملن تەڭگەگە دەيىن)؛
▪️ «يگيليك — رد» (جىلدىق تابىس — 224 ملن تەڭگەگە دەيىن).

وتباسى جالپى العاندا ءىرى اينالىمى بار بيزنەس-يمپەريانى باقىلاپ وتىر، ال تۋىستىق بايلانىستار مەملەكەتتىك تاپسىرىستارمەن، لوگيستيكامەن جانە ءتىپتى نازاربايەۆ داۋىرىندەگى كەيبىر تۇلعالارمەن دە استاسىپ جاتىر.