Alǵashqy aıaldama «Semeı ınjınerıng» zaýyty boldy. Aıta keteıik bul oryn 1987 jyly ashylǵannan bastap 2004 jylǵa deıin «brondy jóndeý zaýyty» dep atalǵan.
Kásiporyn jumysshylarymen kezdesý barysynda kandıdat ekonomıkalyq reformalardyń bir bóligi retinde eń tómengi jalaqyny qalyptastyrý taqyrybyna tolyq toqtaldy.
«Búgingi tańda eń tómengi jalaqynyń qalaı anyqtalatyny belgisiz. Men ony ındeksteýdi ashyq etip qana qoımaı, EYDU (ekonomıkalyq yntymaqtastyq jáne damý uıymy) damyǵan elderiniń deńgeıine jetkizýdi usynamyn. Tıisinshe, ETJ 60 myń teńgeni emes, kem degende 150 myń teńgeni quraıtyn bolady», - dep naqtylady M. Qajyken.
Kandıdat azamattyq qoǵam taqyrybyna toqtala otyryp, bul óz baǵdarlamasynyń negizgi bólimi ekenin atap ótti.
«Memleket árbir azamatqa ózin-ózi damytý úshin qolaıly jaǵdaılar men múmkindikter jasaýy kerek. Azamattyń ózi áleýmettik seriktestik, atap aıtqanda kásipodaqtar, kásipkerler qaýymdastyǵy, azamattyq qoǵam ınstıtýttary arqyly ómir súrý jaǵdaılaryn ózgerte alatyn prosesterge qatysýy kerek. Bul – bizdiń alǵa qoıǵan maqsatymyz», - dedi M. Qajyken.
Osylaısha, úmitker ár adam ózderin laıyqty jalaqymen qamtamasyz ete alady. Bul jerde memleket pen jumys berýshilerdiń áleýmettik qoldaýyna da ıe bolýy kerek dep qosty.
Zaýyt qyzmetkerleri úmitkerdiń sybaılas jemqorlyqqa qarsy kúresti qalaı júrgizýdi josparlap otyrǵanyn surady.
«Tipti sybaılastardyń arasynda dostar bolsa da, óte qatal júrgizemin», - dep jaýap berdi Meıram Zekeshuly.
M. Qajyken qazirgi ýaqytta syrtqy qaýipterdiń tónýi máselesi kúrdeli jaǵdaıda, ulttyq qaýipsizdik, onyń ishinde qorǵanys baǵytyn nyǵaıtý - óte ózekti ekenin atap ótti.
«Bizdiń armıamyzdyń qarý-jaraǵyn jańǵyrtý, memlekettik qorǵanys tapsyrysy, kadrlar daıarlaý júıesin jetildirý sekildi máselerdi sheshý óte mańyzdy. Sonymen qatar qazaqstandyq qorǵanys ónerkásibin qurý baǵdarlamasy jan-jaqty qoldaýǵa ıe bolýy tıis», - dep tolyqtyrdy kandıdat.
Anyqtama úshin:
Brondy jóndeý zaýyty 1987 jyldyń qyrkúıeginde iske qosyldy. Kásiporynnyń jalpy aýdany 17,4 ga.
1992 jyly zaýyt QR Qorǵanys mınıstrliginiń qaramaǵyna ótti. Sodan soń 2003 jyldyń naýryz aıynda kásiporyn qazaqstandyq qorǵanys-ónerkásip kesheniniń basqa kásiporyndarymen qatar "Qazaqstan ınjınırıń "UK" AQ-na aýysty. Bir jyldan keıin QR Úkimetiniń qaýlysymen kásiporyn óziniń qazirgi "Semeı ınjınırıń" AQ ataýyn aldy.
Qyzmettiń negizgi túri: qorǵanys jáne azamattyq maqsattaǵy ónimderdi ázirleý, óndirý, jóndeý jáne satý.
