العاشقى ايالداما «سەمەي ينجينەرينگ» زاۋىتى بولدى. ايتا كەتەيىك بۇل ورىن 1987 جىلى اشىلعاننان باستاپ 2004 جىلعا دەيىن «بروندى جوندەۋ زاۋىتى» دەپ اتالعان.
كاسىپورىن جۇمىسشىلارىمەن كەزدەسۋ بارىسىندا كانديدات ەكونوميكالىق رەفورمالاردىڭ ءبىر بولىگى رەتىندە ەڭ تومەنگى جالاقىنى قالىپتاستىرۋ تاقىرىبىنا تولىق توقتالدى.
«بۇگىنگى تاڭدا ەڭ تومەنگى جالاقىنىڭ قالاي انىقتالاتىنى بەلگىسىز. مەن ونى يندەكستەۋدى اشىق ەتىپ قانا قويماي، ەىدۇ (ەكونوميكالىق ىنتىماقتاستىق جانە دامۋ ۇيىمى) دامىعان ەلدەرىنىڭ دەڭگەيىنە جەتكىزۋدى ۇسىنامىن. تيىسىنشە، ەتج 60 مىڭ تەڭگەنى ەمەس، كەم دەگەندە 150 مىڭ تەڭگەنى قۇرايتىن بولادى»، - دەپ ناقتىلادى م. قاجىكەن.
كانديدات ازاماتتىق قوعام تاقىرىبىنا توقتالا وتىرىپ، بۇل ءوز باعدارلاماسىنىڭ نەگىزگى ءبولىمى ەكەنىن اتاپ ءوتتى.
«مەملەكەت ءاربىر ازاماتقا ءوزىن-وزى دامىتۋ ءۇشىن قولايلى جاعدايلار مەن مۇمكىندىكتەر جاساۋى كەرەك. ازاماتتىڭ ءوزى الەۋمەتتىك سەرىكتەستىك، اتاپ ايتقاندا كاسىپوداقتار، كاسىپكەرلەر قاۋىمداستىعى، ازاماتتىق قوعام ينستيتۋتتارى ارقىلى ءومىر ءسۇرۋ جاعدايلارىن وزگەرتە الاتىن پروسەستەرگە قاتىسۋى كەرەك. بۇل – ءبىزدىڭ العا قويعان ماقساتىمىز»، - دەدى م. قاجىكەن.
وسىلايشا، ۇمىتكەر ءار ادام وزدەرىن لايىقتى جالاقىمەن قامتاماسىز ەتە الادى. بۇل جەردە مەملەكەت پەن جۇمىس بەرۋشىلەردىڭ الەۋمەتتىك قولداۋىنا دا يە بولۋى كەرەك دەپ قوستى.
زاۋىت قىزمەتكەرلەرى ۇمىتكەردىڭ سىبايلاس جەمقورلىققا قارسى كۇرەستى قالاي جۇرگىزۋدى جوسپارلاپ وتىرعانىن سۇرادى.
«ءتىپتى سىبايلاستاردىڭ اراسىندا دوستار بولسا دا، وتە قاتال جۇرگىزەمىن»، - دەپ جاۋاپ بەردى مەيرام زەكەش ۇلى.
م. قاجىكەن قازىرگى ۋاقىتتا سىرتقى قاۋىپتەردىڭ ءتونۋى ماسەلەسى كۇردەلى جاعدايدا، ۇلتتىق قاۋىپسىزدىك، ونىڭ ىشىندە قورعانىس باعىتىن نىعايتۋ - وتە وزەكتى ەكەنىن اتاپ ءوتتى.
«ءبىزدىڭ ارميامىزدىڭ قارۋ-جاراعىن جاڭعىرتۋ، مەملەكەتتىك قورعانىس تاپسىرىسى، كادرلار دايارلاۋ جۇيەسىن جەتىلدىرۋ سەكىلدى ماسەلەردى شەشۋ وتە ماڭىزدى. سونىمەن قاتار قازاقستاندىق قورعانىس ونەركاسىبىن قۇرۋ باعدارلاماسى جان-جاقتى قولداۋعا يە بولۋى ءتيىس»، - دەپ تولىقتىردى كانديدات.
انىقتاما ءۇشىن:
بروندى جوندەۋ زاۋىتى 1987 جىلدىڭ قىركۇيەگىندە ىسكە قوسىلدى. كاسىپورىننىڭ جالپى اۋدانى 17،4 گا.
1992 جىلى زاۋىت ق ر قورعانىس مينيسترلىگىنىڭ قاراماعىنا ءوتتى. سودان سوڭ 2003 جىلدىڭ ناۋرىز ايىندا كاسىپورىن قازاقستاندىق قورعانىس-ونەركاسىپ كەشەنىنىڭ باسقا كاسىپورىندارىمەن قاتار "قازاقستان ينجينيرينگ "ۇك" اق-نا اۋىستى. ءبىر جىلدان كەيىن ق ر ۇكىمەتىنىڭ قاۋلىسىمەن كاسىپورىن ءوزىنىڭ قازىرگى "سەمەي ينجينيرينگ" اق اتاۋىن الدى.
قىزمەتتىڭ نەگىزگى ءتۇرى: قورعانىس جانە ازاماتتىق ماقساتتاعى ونىمدەردى ازىرلەۋ، ءوندىرۋ، جوندەۋ جانە ساتۋ.
