Apelliatsiialyq sot óńir ákimdigi men júieni ornatýǵa jaýapty kompaniia arasyndaǵy daýly iske núkte qoidy, dep habarlaidy Dalanews.kz.
Eske salaiyq, 2023 jyldyń qyrkúieginde taraptar kelisimshartqa otyrǵan: jeke áriptes jol-kólik jáne qoǵamdyq qaýipsizdikke arnalǵan intellektýaldy júieniń jumysyn qamtamasyz etýi tiis bolatyn.
Sottyń málimetinshe, jobany iske asyrý barysynda sharttardyń buzylǵany anyqtaldy. Birinshi satydaǵy sot jaýapkerdiń kelisim talaptaryna sai kelmeitin jabdyq ornatqanyn, bul eleýli zańbuzýshylyq ekenin kórsetti. Apelliatsiialyq alqa osy qorytyndylarmen kelisti. Alaida kompaniiany adal emes merdiger dep tanýdan sot bas tartty.
«Birinshi satydaǵy sot jeke áriptes jobany júzege asyrý barysynda kelisim talaptarynyń eleýli buzýshylyqtaryna jol bergenin anyqtady. Bul shartty buzýǵa negiz boldy. Qostanai oblysynyń azamattyq ister jónindegi apelliatsiialyq sot alqasynyń qaýlysymen Qostanai oblystyq ekonomikalyq sotynyń sheshimi ózgerissiz qaldyryldy. Talapker men jaýapkerdiń apelliatsiialyq shaǵymdary qanaǵattandyrylmady. Sot qaýlysy zańdy kúshine endi», – dep atap ótti Qostanai oblystyq soty baspasóz qyzmetiniń mamany Iýliia Iaroshenko.
