Reseide qazaqstandyq Toiota Alfard avtokóligi jol apatyna tústi, - dep habarlaidy Dalanews.kz "Nasha Gazeta" basylymyna silteme jasap.
Oqiǵa 19 tamyzda túngi 03.00 shamasynda Reseidiń Cheliabi oblysynda bolǵan. Basylym málimetinshe, qostanailyq nómiri bar Toyota Alphard jolaýshylarymen birge aýdarylyp ketken.
Birneshe jolaýshy zardap shekken, kóliktegi zeinetker qaza tapty.
"Alty jolaýshy zardap shekti, onyń ishinde 10 jastaǵy bala bar. Bári avtokólik aýdarylyp ketken kezde terezeden "ushyp" ketken. Jolaýshynyń sózinshe, júrgizýshi únemi telefonǵa qaraýmen bolǵan", - deidi oqiǵa ornynda bolǵan adam.
"Toyota Alphard-tyń 1994 jylǵy júrgizýshisi kólikti basqara almai, oń jaq jolaqqa shyǵyp, aýdarylyp ketken. Jol apaty saldarynan 10, 20, 74 jáne 47 jastaǵy jolaýshylar túrli dene jaraqatyn alyp, aýrýhanaǵa jetkizildi. 1964 jyly týǵan jolaýshy alǵan jaraqattary saldarynan aýrýhanada qaitys boldy", - delingen politsiia habarlamasynda.
Eske salaiyq, Jambyl oblysyndaǵy jantúrshigerlik jol apatynan keiin qazaqstandyqtar Jambyl oblysyndaǵy jantúrshigerlik jol apatynan keiin Toiota Alfard markaly avtokólikterine qarsy shyqqan bolatyn.
Jeli belsendisi Bekaidar Almuhanov qazaqstandyqtardy Toiota Alfard kólikterine minbeýge shaqyrdy.
"Búkil jerge qarasań osy kólik. Qazaqstanda budan basqa kólik qalmady ma? Nege "Alfard" júrgizýshileriniń kópshiligi taksi? Sizderge aitar aqylym, "Alfard" avtokólikterine minbeńizder. Túndegi sumdyq jaǵdaida kóliktiń ishindegi tórt adam tiridei janyp ketti, eki politsiia qyzmetkeri qaitys boldy.
Kólikti tizgindeitin besikten beli shyqpaǵan jas balalar. Faralardy «óltirip» jaǵyp, yrjyń-tyrjyń etip, tasjolda ózderinen basqa adam joq siiaqty elirip júredi. Ishki ister qyzmetkerleri olardyń zańǵa qaishy ornatylǵan faralaryn alyp tastaýy tiis. Taǵy da aita keteiin, Eýropa elderinde júk kóligi júrgizýshilerine tahograf (júrgizýshilerdiń qozǵalysyn tirkeýge arnalǵan mehanikalyq nemese elektrondy baqylaý quraly) qoiylady. Toiota Alfardtarǵa da dál osyndai qurylǵy qoiý kerek, olar atalǵan chip-kartamen zańdy buzbai aidaýy tiis. Ár qaladan kelgen saiyn politsiia qyzmetkerleri Alfard ielerin teksersin», - deidi bloger.
Bekaidar Almuhanov "Alfard" ieleriniń kólikti basqarý tehnikasy durys emes ekenin aitady.
"Kóliktiń gazyn túbine deiin baspasa, Alfard da jyn qýǵandai júrmes edi. Kólikti jaimen, baisaldy aidaityn júrgizýshiler de bar. Alaida qazirgi kúni osy kólikti tizgindegenderdiń deni jas balalar. Osy týrasynda politsiiadan mańyzdy aqparat aldym. Toiota Alfardtyń rólinde kóbine-kóp 2000 jyldardyń bas kezinde ómirge kelgen býyn otyr", - deidi bloger.
Jambyl oblysy politsiia departamentiniń habarlaýynsha, 17 tamyz kúni túngi saǵat 01:00 shamasynda respýblikalyq mańyzy bar Merki-Shý-Býrylbaital tas jolynyń 34-shi shaqyrymynda, Merki aýdanyna qarasty Tátti aýylynyń mańynda jol-kólik oqiǵasy bolǵan. Toyota Alfard miniveni men Skoda-Octavia politsiia kóligi betpe-bet soqtyǵysyp, miniven órtenip ketken.
Toiota Alfard kóliginde 8 jolaýshy bolǵan. Olardyń tórteýi sol jerde qaza bolyp, úsh jolaýshy men júrgizýshi ártúrli dárejedegi dene jaraqattarymen aýdandyq ortalyq aýrýhanaǵa jatqyzyldy.
Bul derek boiynsha QR QK 345-baby 4-bóligimen sotqa deiingi tergeý bastaldy. Politsiia muqiiat tergeý júrgizip, oqiǵanyń mán-jaiyn anyqtaý boiynsha barlyq qajetti sharalardy qabyldaýda.
